கன்னியாகுமரியில் குண்டா் சட்டத்தில் மூவா் கைது

கன்னியாகுமரி மாவட்டத்தில் குண்டா் தடுப்பு சட்டத்தின்கீழ் மூவா் கைது செய்யப்பட்டனா்.

அருமனை காவல் நிலைய எல்லைக்குள்பட்ட பகுதிகளில் கனிம வளக் கடத்தலில் ஈடுபட்டதாக பாக்கோடு பகுதியைச் சோ்ந்த ராஜாமணி மகன் டாா்வின் ஆண்டனி (47), மாா்த்தாண்டம் வெள்ளன்குழிவிளை பகுதியைச் சோ்ந்த தாமஸ் மகன் மகேஷ் (39) ஆகியோா் மீது அருமனை போலீஸாா் வழக்குப் பதிந்து, நீதிமன்றக் காவலில் சிறையில் அடைத்தனா்.

இதேபோல, சின்னமுட்டம் பகுதியைச் சோ்ந்த ஜேசு டெரோஸ் மகன் கன்ஸ்டின் ராபின் (24) என்பவா் குற்றச் சம்பவங்களில் ஈடுபட்டதாகக் கைது செய்யப்பட்டு சிறையில் அடைக்கப்பட்டுள்ளாா்.

இந்நிலையில், மாவட்ட காவல் கண்காணிப்பாளா் அன்ஷுல் நாகரின் பரிந்துரை, ஆட்சியா் மு. பிரதாப்பின் உத்தரவு ஆகியவற்றின்பேரில், இவா்கள் மூவரையும் போலீஸாா் குண்டா் தடுப்புச் சட்டத்தின்கீழ் கைது செய்து, பாளையங்கோட்டை மத்திய சிறைக்கு அனுப்பினா்.