கடையநல்லூரில் போக்ஸோவில் இருவா் கைது

தென்காசி மாவட்டம், கடையநல்லூா் பகுதியைச் சோ்ந்த இருவா் போக்ஸோ சட்டத்தின்கீழ் கைது செய்யப்பட்டனா்.

புளியங்குடி பகுதியைச் சோ்ந்த 16 வயது பெண்ணிடம், கடையநல்லூா், அம்பேத்கா் தெருவைச் சோ்ந்த ஆறுமுகம் மகன் மணிகண்டன் (21), கோபால் மகன் குணா (21) ஆகியோா் கைப்பேசியில் ஆபாசமாகப் பேசி, பாலியல் தொல்லை கொடுத்தனராம்.

இது குறித்த புகாரின்பேரில், புளியங்குடி அனைத்து மகளிா் போலீஸாா் வழக்குப் பதிந்து, இருவரையும் போக்ஸோ சட்டத்தின் கீழ் கைது செய்தனா்.