நெல்லையில் நாளை விவசாயிகள், மாற்றுத் திறனாளிகள் குறைதீர் கூட்டம்

திருநெல்வேலி கோட்ட அளவிலான விவசாயிகள் மற்றும் மாற்றுத்திறனாளிகள் குறைதீர் கூட்டம் வெள்ளிக்கிழமை நடைபெறுகிறது.
இது தொடர்பாக திருநெல்வேலி கோட்டாட்சியர் இல.மைதிலி வெளியிட்டுள்ள செய்திக் குறிப்பு: திருநெல்வேலி கோட்டம் திருநெல்வேலி, பாளையங்கோட்டை, சங்கரன்கோவில்,  திருவேங்கடம்,  மானூர் ஆகிய வட்டங்களின் விவசாயிகள் மற்றும் மாற்றுத்திறனாளிகளுக்கு கோட்ட அளவிலான குறைதீர் கூட்டம் எனது  தலைமையில்வெள்ளிக்கிழமை (செப். 7) நடைபெறுகிறது. முற்பகல் 11 மணிக்கு மாற்றுத்திறனாளிகளுக்கும்,  பிறபகல் 12.30 மணிக்கு விவசாயிகளுக்கும் குறைதீர் கூட்டம் கோட்டாட்சியர் அலுவலகத்தில்  நடைபெறும்.