விஜயநாராயணம் அருகே காரில் ஆயுதங்களுடன் வந்த 2 போ் கைது

திருநெல்வேலி மாவட்டம், வடக்கு விஜயநாராயணம் அருகே காரில் ஆயுதங்களுடன் வந்த இரு இளைஞா்களை போலீஸாா் செவ்வாய்க்கிழமை கைது செய்தனா்.

நான்குனேரி காவல் உள்கோட்டத்துக்குள்பட்ட வடக்கு விஜயநாராயணம் பகுதியில் காவல் ஆய்வாளா் பிரேமா ஸ்டாலின் தலைமையிலான போலீஸாா், அப்பகுதியில் வாகனச் சோதனையில் ஈடுபட்டிருந்தனா்.

அப்போது அந்த வழியாக வந்த காரை நிறுத்திய போலீஸாா் காரில் இருந்த இரு இளைஞா்களிடம் விசாரணை நடத்தினா்.

விசாரணையில், அவா்கள் வடக்கு விஜயநாராயணம் பெருமாள் கோயில் தெருவைச் சோ்ந்த புஷ்பராஜ் மகன் முகேஷ் (19), பாளையங்கோட்டை மேலநத்தம் பகுதியைச் சோ்ந்த மாரியப்பன் மகன் பொன்னுரங்கம் (19) என்பதும், கொலை குற்றச் செயலில் ஈடுபடுவதற்காக அரிவாள், வாள், கம்பி உள்ளிட்ட ஆயுதங்களை காரில் எடுத்துச் சென்றது தெரியவந்தது.

இதையடுத்து, வடக்கு விஜயநாராயணம் போலீஸாா் வழக்குப் பதிந்து, இருவரையும் செய்தனா்.