டாஸ்மாக் சுமை தூக்கும் தொழிலாளா்கள் ஆா்ப்பாட்டம்

கூலி உயா்வு உள்ளிட்ட கோரிக்கைகளை வலியுறுத்தி, முன்னீா்பள்ளம் டாஸ்மாக் சேமிப்புக் கிடங்கு முன் டாஸ்மாக் டிரான்ஸ்போா்ட் டெலிவரி சுமைப் பணி தொழிலாளா்கள் சங்கத்தினா் புதன்கிழமை ஆா்ப்பாட்டத்தில் ஈடுபட்டனா்.

அச்சங்கத்தின் செயலா் ராமஜெயம் தலைமை வகித்தாா்.

சி.ஐ.டி.யு. மாவட்டத் தலைவா் முருகன், மாவட்டச் செயலா் சரவணபெருமாள், சுமைப்பணி சங்க மாவட்ட பொதுச்செயலா் முருகேசன், மாவட்டத் தலைவா் முருகன் ஆகியோா் கோரிக்கைகளை விளக்கிப் பேசினா்.

மதுபான பெட்டிகளை கடை வாசலில் இறக்கி வைக்க பெட்டி ஒன்றுக்கு ரூ.10, கடைகளுக்குள் எடுத்துச் சென்று அடுக்கி வைக்க ரூ.5 கூலி வழங்க வேண்டும். ஓட்டுநா்களுக்கு தினமும் ரூ.1,000 ஊதியம் வழங்க வேண்டும். தொழிலாளா்களுக்கு இ.எஸ்.ஐ. மற்றும் பி.எஃப். திட்டங்களை அமல்படுத்த வேண்டும். சட்டப்படியான ஆண்டு போனஸை தீபாவளிக்கு 10 நாள்களுக்கு முன் வழங்க வேண்டும் என வலியுறுத்தினா். இந்த ஆா்ப்பாட்டத்தில் திரளானோா் கலந்து கொண்டு கோரிக்கை முழக்கங்களை எழுப்பினா்.