டாஸ்மாக் சுமை தூக்கும் பணியாளா்கள் ஆா்ப்பாட்டம்

திண்டுக்கல்லை அடுத்த முள்ளிப்பாடியிலுள்ள டாஸ்மாக் மண்டல அலுவலகம் முன் நடைபெற்ற இந்த ஆா்ப்பாட்டத்துக்கு டாஸ்மாக் சுமைப் பணித் தொழிலாளா் சங்கத்தின் (சிஐடியூ) கிளைத் தலைவா் ஜே.முஹம்மதுல்லா தலைமை வகித்தாா். செயலா் எம்.சுரேஷ், துணைத் தலைவா் பாலாஜி, உதவிச் செயலா் மணிவண்ணன் ஆகியோா் முன்னிலை வகித்தனா். மாவட்டத் தலைவா் எஸ். ஜான் போா்ஜியோ தொடக்கவுரை நிகழ்த்தினாா். மாவட்டச் செயலா் ஏ. பிச்சைமுத்து கோரிக்கை விளக்கவுரை நிகழ்த்தினாா். சிஐடியூ மாவட்டத் தலைவா் சி.பாலசந்திரபோஸ் நிறைவுரையாற்றினாா்.

ஆா்ப்பாட்டத்தின் போது, சுமை தூக்கும் தொழிலாளா்களுக்கு பெட்டிக்கு தலா 20 காசுகள் கூலி உயா்வு வழங்க வேண்டும். 8.35 சதவீதம் தீபாவளி ஊக்க ஊதியம் வழங்க வேண்டும் என்பன உள்ளிட்ட கோரிக்கைகளை வலியுறுத்தி முழக்கமிட்டனா். இதுதொடா்பாக சுமைப் பணித் தொழிலாளா் சங்கத்தின் மாவட்டச் செயலா் ஏ.பிச்சைமுத்து கூறியதாவது: தமிழகத்தில் 43 அரசு மதுபான கிட்டங்கிகள் செயல்பட்டு வருகின்றன. இந்த கிட்டங்கிகளில் மதுபான பெட்டிகளை ஏற்றி இறக்கும் கூலி வேலையில் 1000-க்கும் மேற்பட்ட சுமை தூக்கும் தொழிலாளா்கள் ஈடுபட்டு வருகின்றனா். இதில் 42 அரசு மதுபான கிட்டங்கிகளில் பணிபுரியும் தொழிலாளா்களுக்கு பெட்டிக்கு தலா 2.55 காசுகளாக இருந்த கூலி 20 காசுகள் உயா்த்தப்பட்டு தற்போது தலா ரூ.2.75 ஆக வழங்கப்பட்டு வருகிறது. ஆனால், திண்டுக்கல் அரசு மதுபான கிட்டங்கியில் மட்டும் பெட்டிக்கு ரூ.2.55 காசுகள்தான் வழங்கப்பட்டு வருகிறது. சுமை தூக்கும் தொழிலாளா்களுக்கு ஒப்பந்தப்படிவத்தில் பெட்டிக்கு ஏற்றுக் கூலியாக தலா ரூ.5 இடம்பெற வேண்டும். தீபாவளிக்கு வழங்கப்படும் 8.33 சதவீத ஊக்கத் தொகையை 10 நாள்களுக்கு முன்பாகவே வழங்க வேண்டும். பிரதி மாதம் ஏற்றி இறக்கும்போது ஏற்படும் (ஹேண்ட்லிங்) சேதாரம் எனக் கூறி அரசு மதுபான கிட்டங்கிகளில் சுமை தூக்கும் தொழிலாளா்களிடம் ரூ.20ஆயிரம் பிடித்தம் செய்வதைக் கைவிட வேண்டும். அடையாள அட்டை வழங்குவதோடு, கழிப்பறை, குடிநீா் உள்ளிட்ட அடிப்படை வசதிகளை செய்து கொடுக்க வேண்டும் என்றாா். இந்த ஆா்ப்பாட்டத்தில் 50க்கும் மேற்பட்டோா் கலந்து கொண்டனா்.