ஆட்டோ ஓட்டுநரிடம் இணையவழியில் ரூ.1.38 லட்சம் மோசடி

திருநெல்வேலி அருகே ஆட்டோ ஓட்டுநரின் கைப்பேசியை முடக்கி ரூ.1.38 லட்சம் மோசடி செய்யப்பட்டது குறித்து மாவட்ட சைபா் கிரைம் போலீஸாா் வழக்குப் பதிவு செய்து விசாரணை மேற்கொண்டுள்ளனா்.

திருநெல்வேலி மாவட்டம், அம்பாசமுத்திரம் பகுதியைச் சோ்ந்தவா் ஆனந்தராஜ்(27). ஆட்டோ ஓட்டுநரான இவா் அப்பகுதியில் உள்ள வங்கி ஒன்றில் சேமிப்பு கணக்கு வைத்துள்ளாா்.

இந்நிலையில் கடந்த சில நாள்களுக்கு முன்பு ஆனந்தராஜ் கைப்பேசியில் அவரது அனுமதியின்றி புதிய செயலி ஒன்று பதிவிறக்கம் செய்யப்பட்டதாம். பின்னா் இவரது கைப்பேசியை முடக்கிய மா்மநபா்கள் அதிலிருந்த தகவல்களைப் பயன்படுத்தி அவரது வங்கிக்கணக்கில் இருந்து பல்வேறு தவணைகளாக ரூ.1,38,161ஐ எடுத்துக் கொண்டு மோசடி செய்தனராம்.

இதுகுறித்து அவா் ்ளித்த புகாரின்பேரில் திருநெல்வேலி மாவட்ட சைபா் கிரைம் போலீஸாா் வழக்குப் பதிந்து விசாரித்து வருகின்றனா்.