சாத்தான்குளம் பள்ளியில்  கிறிஸ்துமஸ் விழா

சாத்தான்குளம் மேரி  இமாகுலேட் மெட்ரிகுலேஷன் பள்ளியில் கிறிஸ்துமஸ் விழா நடைபெற்றது. 
விழாவுக்கு,  தருவைகுளம் பங்குத்தந்தை எட்வர்ட்  தலைமை வகித்தார்.  சாத்தான்குளம் வட்டார முதன்மை பங்குத்தந்தை ரெமிஜியுஸ்,  உதவி பங்குத்தந்தை ரூபன், சிதம்பராபுரம் பங்குத்தந்தை பபிஸ்டன் ஆகியோர் முன்னிலை வகித்தனர். பள்ளித் தாளாளர் மற்றும் முதல்வர் செல்வராயர் வரவேற்றார். 
போட்டிகளில் வெற்றி பெற்ற மாணவர்களுக்கு பரிசுகள் வழங்கப்பட்டது. தொடர்ந்து மாணவர், மாணவிகள் கிறிஸ்து பிறப்பை நடித்து காட்டினர். மாணவி நர்மதா நிகழ்ச்சிகளை தொகுத்து வழங்கினார்.  மாணவி அபிநயா  நன்றி கூறினார்.