தூத்துக்குடியில் ரூ. 200-க்கு காய்கனி தொகுப்பு விற்பனை

தூத்துக்குடி: தூத்துக்குடியில் பொதுமக்களுக்கு தேவையான காய்கனிகள் அடங்கிய தொகுப்பு பொட்டலம் ரூ. 200-க்கு விற்பனை செய்யும் பணியில் வணிகா் சங்கங்களின் பேரமைப்பு ஈடுபட்டுள்ளது.

தமிழ்நாடு வணிகா் சங்கங்களின் பேரமைப்பின் தூத்துக்குடி மத்திய மாவட்ட பிரிவு ஏற்பாட்டில் தூத்துக்குடி மாநகராட்சியின் அனுமதியுடன் மாநகராட்சிக்குள்பட்ட பகுதிகளில் நடமாடும் காய்கனி அங்காடி மூலம் ரூ.200-க்கு 20 வகையான காய்கனிகள் அடங்கிய தொகுப்பு பொட்டலம் விற்பனை வியாழக்கிழமை தொடங்கியது.

தூத்துக்குடி வடக்கு ரத வீதியில் நடைபெற்ற தொடக்க விழா நிகழ்ச்சியில், மாநகராட்சி ஆணையா் வீ.ப. ஜெயசீலன் விற்பனையை தொடங்கி வைத்தாா். பொது மக்கள் சமூக இடைவெளி விட்டு காய்கனி தொகுப்பு பொட்டலத்தை வாங்கிச் சென்றனா்.

நிகழ்ச்சியில், தமிழ்நாடு வணிகா் சங்கங்களின் பேரமைப்பின் தூத்துக்குடி மத்திய மாவட்ட தலைவா் சோலையப்பராஜா, துனைத் தலைவா் செல்லதுரை, பொருளாளா் ஆனந்த பொன்ராஜ், செயலா் மகேஷ்வரன், மாநில துனைத் தலைவா் வெற்றிராஜன், தொகுதி செயலா் ஆனந்தராஜ், செய்தித் தொடா்பாளா் செந்தில்முருகன் உள்ளிட்டோா் கலந்து கொண்டனா்.