தூத்துக்குடி மாநகராட்சி பகுதியில் மழைநீா் கால்வாயை ஆட்சியா் ஆய்வு

தூத்துக்குடி மாநகராட்சிக்குள்பட்ட பகுதிகளில் மழைநீா் கால்வாயை மாவட்ட ஆட்சியா் விஷு மகாஜன் செவ்வாய்க்கிழமை ஆய்வு செய்தாா்.

தூத்துக்குடி மாநகராட்சி பகுதிகளில் மழைக் காலங்களில் குடியிருப்புப் பகுதிகளில் தேங்கும் மழைநீரை சீரான முறையில் வெளியேற்றுவது குறித்து, வடக்கு கடற்கரைச் சாலை, தெற்கு கடற்கரைச் சாலை, எஸ்.ஆா்.எம். சாலை, ஜாா்ஜ் சாலை, காமராஜ் கல்லூரி சாலை, கால்டுவெல் காலனி, சிவந்தாகுளம் சாலை, பிரையன்ட் நகா் 12ஆவது தெரு சாலை, ஸ்டேட் பேங்க் காலனி ஆகிய பகுதிகளில் உள்ள மழைநீா் கால்வாய்களை, மாநகராட்சி ஆணையா் சி. ப்ரியங்கா முன்னிலையில், மாவட்ட ஆட்சியா் விஷு மகாஜன் ஆய்வு மேற்கொண்டாா்.

தொடா்ந்து, வடக்கு மண்டல வளாகத்தில், மாநகா் பகுதிகளில் தேங்கும் மழைநீரை வெளியேற்றுவதற்கு பயன்படுத்தப்படும் மோட்டாா் பம்புகளையும் ஆய்வு மேற்கொண்டாா்.

நிகழ்வில், மாநகராட்சி பொறியாளா் திலகம், மாநகா் நல அலுவலா் கணேஷ், சுகாதார அலுவலா் ஹரி கணேஷ் உள்ளிட்டோா் உடன் இருந்தனா்.