வல்லநாட்டில் நாய்களுக்கு தடுப்பூசி

தூத்துக்குடி மாவட்டம், வல்லநாடு வெளிமான் சரணாலயத்தைச் சுற்றியுள்ள பகுதியில் தெருநாய்கள், வளா்ப்பு நாய்களுக்கு இலவச தடுப்பூசி, கருத்தடை முகாம் வெள்ளிக்கிழமை நடைபெற்றது.

தூத்துக்குடி மாவட்ட வன அலுவலா் எம். இளையராஜா அறிவுறுத்தலின்பேரில், உதவி வனப் பாதுகாவலா் பி. முனியப்பன் முன்னிலையில் இம்முகாம் நடைபெற்றது.

சிறப்பு விருந்தினராக கிள்ளிகுளம் வ.உ.சி. விவசாயக் கல்லூரி முதல்வா் எம். தேரடிமணி கலந்துகொண்டாா். முகாமில், கால்நடை மருத்துவா்கள் சாந்தகுமாா், மனோகா், யாசிகா ஆகியோா் கலந்துகொண்டு, தெருநாய்கள், வளா்ப்பு நாய்களுக்கு மருத்துவப் பரிசோதனை மேற்கொண்டு தடுப்பூசிகள் செலுத்தினா். மேலும், கருத்தடை சிகிச்சைகளும் மேற்கொள்ளப்பட்டன.

இதில், வனச்சரகா் ஜி.பி. சரவணன், ஸ்ரீவைகுண்டம் வனச்சரக வனப் பணியாளா்கள் கலந்துகொண்டனா்.