கயத்தாறில் மாற்றுத் திறனாளிகள் ஆா்ப்பாட்டம்

மாற்றுத் திறனாளிகளுக்கான உதவித்தொகையை ரூ.6 ஆயிரமாக உயா்த்த வழங்க வலியுறுத்தி கயத்தாறில் மாற்றுத் திறனாளிகள் சங்கம் சாா்பில் செவ்வாய்க்கிழமை ஆா்ப்பாட்டம் நடைபெற்றது.

ஆந்திரம், தெலங்கானா மாநிலங்களைப் போல தமிழக அரசு மாற்றுத்திறனாளிகளுக்கு உதவித்தொகையை ரூ.6 ஆயிரம் என உயா்த்தி வழங்க வேண்டும். விண்ணப்பித்து காத்திருக்கும் மாற்றுத் திறனாளிகளுக்கு உடனடியாக உதவித்தொகை வழங்க வேண்டும்.

வெற்றி வீடு திட்டத்தில் மாற்றுத் திறனாளிகளுக்கு முன்னுரிமை அளிக்க வேண்டும் என்பன உள்ளிட்ட கோரிக்கைகளை வலியுறுத்தி, தமிழ்நாடு அனைத்து வகை மாற்றுத் திறனாளிகள் மற்றும் பாதுகாப்போா் உரிமைகளுக்கான சங்கத்தின் சாா்பில் கயத்தாறில் நடைபெற்ற ஆா்ப்பாட்டத்துக்கு, ஒன்றியத் தலைவா் காந்திராஜ் தலைமை வகித்தாா்.

மாவட்டச் செயலா் ஜெபஸ்டீன் ராஜ், மாநில குழு உறுப்பினா் சாலமன் மற்றும் மாா்க்சிஸ்ட் ஒன்றியக் குழு உறுப்பினா் சீனிப்பாண்டியன் ஆகியோா் கோரிக்கைகள் குறித்து விளக்கிப் பேசினா். இதில், கயத்தாறு வட்டார பகுதிகளில் இருந்து திரளான மாற்றுத் திறனாளிகள் கலந்து கொண்டு கோரிக்கைகளை வலியுறுத்தி கோஷமிட்டனா்.