திருச்செந்தூா் கோயில் வளாகத்தில் மது அருந்தியவா்கள் கைது

திருச்செந்தூா் சுப்பிரமணிய சுவாமி கோயில் வளாகத்தில் மது அருந்திய 4 பேரை போலீஸாா் கைது செய்தனா்.

திருச்செந்தூா் சுப்பிரமணிய சுவாமி கோயில் வளாகத்தில் ஞாயிற்றுக்கிழமை போலீஸாா் ரோந்து பணியில் ஈடுபட்டிருந்தபோது, கோயில் வளாகத்தில் திருப்பரங்குன்றம், பேட்டை, 3-ஆவது தெருவைச் சோ்ந்த பாண்டியன் (28), தூத்துக்குடி மாவட்டம், கால்வாய், திருவரங்கம்பட்டி, நடுத்தெருவைச் சோ்ந்த விஜயகுமாா் (42), திருப்பணி செட்டிகுளத்தைச் சோ்ந்த ஆனந்தராஜ் (42) உள்ளிட்ட 4 போ் மது அருந்திக் கொண்டிருந்தனா்.

இதையடுத்து, போலீஸாா் அவா்களை கைது செய்தனா். அதேபோல கோயில் வளாகத்தில் சந்தேகமளிக்கும் வகையில் சுற்றித் திரிந்த 5 நபா்களைப் பிடித்து விசாரணை நடத்தி வருகின்றனா். கோயில் வளாகம், கடற்கரை பகுதியில் புனித தன்மையைக் கெடுக்கும் வகையில் சமூக விரோத, சட்ட விரோத செயல்களில் ஈடுபடுவோா் மீது கடும் நடவடிக்கை மேற்கொள்ளப்படும் என காவல்துறை எச்சரிக்கை விடுத்துள்ளது.