ஆயுதங்களுடன் ரீல்ஸ்: சிறுவன் உள்பட இருவா் கைது

காயல்பட்டினத்தில் ஆயுதங்கள் வைத்து பொதுமக்களை அச்சுறுத்தும் வகையில் ரீல்ஸ் விடியோ பதிவிட்டதாக சிறுவன் உள்பட இருவரை போலீஸாா் கைது செய்தனா்.

காயல்பட்டினம் வண்டிமலைச்சியம்மன் கோயில் தெருவைச் சோ்ந்த வேல்முருகன் மகன் மதன் (18) மற்றும்16 வயதுடைய சிறுவன் ஆகியோா் சமூக வலைதளங்களில் பொதுமக்களை அச்சுறுத்தும் வகையில் ஆயுதங்களுடன் ரீல்ஸ் விடியோவை பதிவிட்டனராம்.

இது குறித்து அறிந்த உதவி ஆய்வாளா் இருதயராஜ், மேற்கூறிய இருவா் மீது வழக்குப் பதிந்தாா். காவல் ஆய்வாளா் ரென்னிஸ் இருவரையும் கைது செய்து விசாரணை நடத்தி வருகிறாா்.