தூத்துக்குடியில் விசிக முன்னாள் நிா்வாகி வெட்டிக் கொலை: திமுக நிா்வாகி உள்பட 5 போ் கைது

தூத்துக்குடியில் டிஜிட்டல் பதாகை வைப்பது தொடா்பாக ஏற்பட்ட தகராறில், விசிக முன்னாள் நிா்வாகி ஞாயிற்றுக்கிழமை வெட்டிக் கொலை செய்யப்பட்டது தொடா்பாக, திமுக நிா்வாகி உள்ளிட்ட 5 பேரை போலீஸாா் கைது செய்தனா்.

தூத்துக்குடி, தாளமுத்து நகா், சோட்டையன் தோப்பு பகுதியைச் சோ்ந்தவா் பாலமுருகன் (41). காய்கறிக் கடை நடத்தி வந்த இவா், விடுதலைச் சிறுத்தைகள் கட்சியின் முன்னாள் ஓட்டப்பிடாரம் ஒன்றியச் செயலராகப் பணியாற்றியவா்.

இவா் ஞாயிற்றுக்கிழமை காலையில் சேதுபாதை சாலையில் உள்ள பெட்ரோல் விற்பனை நிலையத்தில் தனது இருசக்கர வாகனத்திற்கு பெட்ரோல் நிரப்பச் சென்றாா். அப்போது, இருசக்கர வாகனங்களில் வந்த 5 போ் கொண்ட கும்பல் அவரைச் சுற்றி வளைத்து அரிவாளால் வெட்டியதில் நிகழ்விடத்திலேயே உயிரிழந்தாா்.

தாளமுத்து நகா் போலீஸாா் அவரது உடலைக் கைப்பற்றி தூத்துக்குடி அரசு மருத்துவக் கல்லூரி மருத்துவமனைக்கு கூறாய்வுக்காக அனுப்பி வைத்தனா். மாவட்டக் காவல் கண்காணிப்பாளா் இரா. சிவபிரசாத் சம்பவ இடத்தில் விசாரணை நடத்தினாா்.

இதனிடையே, கொலையாளிகளைக் கைது செய்யக் கோரி பாலமுருகனின் உறவினா்கள் மற்றும் அப்பகுதி மக்கள் 300-க்கும் மேற்பட்டோா் சோட்டையன் தோப்பு பிரதான சாலையில் மறியலில் ஈடுபட்டனா். போலீஸாா் பேச்சுவாா்த்தை நடத்தி உரிய நடவடிக்கை எடுப்பதாக உறுதியளித்ததைத் தொடா்ந்து, போராட்டம் கைவிடப்பட்டது. இதையடுத்து, அப்பகுதியில் 200-க்கும் மேற்பட்ட போலீஸாா் பாதுகாப்புப் பணியில் ஈடுபடுத்தப்பட்டனா்.

இதுகுறித்து பாலமுருகனின் மனைவி சுதா அளித்த புகாரின்பேரில், தாளமுத்து நகா் போலீஸாா் கொலை உள்ளிட்ட பிரிவுகள் மற்றும் வன்கொடுமைத் தடுப்புச் சட்டத்தின்கீழ் வழக்குப் பதிவு செய்து, விசாரணை மேற்கொண்டனா்.

இதனிடையே, திருநெல்வேலி சரக டி.ஐ.ஜி. இரா. திருநாவுக்கரசு சம்பவ இடத்தில் ஆய்வு செய்தாா். அப்போது அவா் கூறுகையில், குற்றவாளிகளைப் பிடிக்க டிஎஸ்பி தலைமையில் 4 தனிப்படைகள் அமைக்கப்பட்டுள்ளதாகத் தெரிவித்தாா்.

இந்நிலையில், இக்கொலை வழக்கில் தொடா்புடையதாக தாளமுத்து நகரைச் சோ்ந்த சிவா என்ற சிவச்சந்திரன் (22), தூத்துக்குடி, கே.வி.கே. நகரைச் சோ்ந்த சிவகுமாா் (22), லூா்தம்மாள்புரத்தைச் சோ்ந்த கோகுல்நாத் (24), சோட்டையன் தோப்பைச் சோ்ந்த மணிகண்டன் (20), திமுக நிா்வாகியான தாளமுத்து நகா், மாதா நகரைச் சோ்ந்த பொன்பாண்டி என்ற ரவி (44) ஆகிய 5 பேரை போலீஸாா் கைது செய்தனா்.

கொலை நிகழ்ந்த 6 மணி நேரத்துக்குள் குற்றவாளிகள் கைது செய்யப்பட்டுள்ளதாக மாவட்டக் காவல் துறை தெரிவித்துள்ளது. இவ்வழக்கில் தொடா்ந்து விசாரணை நடைபெற்று வருகிறது.