பணம் கேட்டு சிறுவனை தாக்கியதாக 4 போ் கைது

கோவில்பட்டியில் பணம் கேட்டு மிரட்டி சிறுவனை தாக்கியதாக 4 பேரை போலீஸாா் புதன்கிழமை கைது செய்தனா்.

கோவில்பட்டி ராஜீவ் நகரில் வீட்டின் முன்பு செவ்வாய்க்கிழமை இரவு நின்று கொண்டிருந்த 16 வயது சிறுவனை மிரட்டி பைக்கில் அழைத்துச் சென்று, பணம் கேட்டு தாக்கினாா்களாம். அவா்களிடமிருந்து தப்பி ஓடிய சிறுவனுக்கு, கொலை மிரட்டல் விடுத்தபடி அந்த 4 பேரும் ஓடி விட்டாா்களாம். காயமடைந்த சிறுவன், கோவில்பட்டி அரசு மருத்துவமனையில் சிகிச்சை பெற்ற பின்பு மேற்கு காவல் நிலையத்தில் புதன்கிழமை புகாா் அளித்தாா். போலீஸாா் வழக்குப் பதிந்து சிறுவனை தாக்கி கொலை மிரட்டல் விடுத்ததாக, கோவில்பட்டி காமராஜா் நகரை சோ்ந்த பலவேசம் மகன் யுவன் பாரத் (21), சாஸ்திரி நகரைச் சோ்ந்த கொம்பையா மகன் மாடசாமி (21), மணிகண்டன் மகன் சூா்யா (19), காளிபாண்டி மகன் ஆனந்த் (20) ஆகிய 4 பேரையும் கைது செய்தனா்.