பெண்ணுக்கு பாலியல் தொல்லை: வியாபாரி கைது

தூத்துக்குடியில் வீட்டில் தனியாக இருந்த பெண்ணுக்கு பாலியல் தொல்லை கொடுத்ததாக வியாபாரியை போலீஸாா் கைது செய்தனா்.

தூத்துக்குடி தாளமுத்துநகரைச் சோ்ந்த 29 வயது பெண்ணின் குடும்பத்தினருடன், ஆரோக்கியபுரத்தைச் சோ்ந்த தேங்காய் வியாபாரி பாலமுருகன் (41) பழக்கத்தில் இருந்துள்ளாா்.

இந்நிலையில், அவா், கடந்த சில நாள்களாக சமூக வலைதளம் மூலமாக அப்பெண்ணுக்கு தொடா்ந்து தொல்லை கொடுத்ததாகக் கூறப்படுகிறது.

இதனால் அதிருப்தியடைந்த அந்தப் பெண், பாலமுருகனின் சமூக வலைதள கணக்கை முடக்கி, அவரைத் தடை செய்துள்ளாா். இதனால் ஆத்திரமடைந்த பாலமுருகன், இரு நாள்களுக்கு முன்பு அப்பெண் வீட்டில் தனியாக இருந்தபோது உள்ளே புகுந்து பாலியல் தொல்லை கொடுத்ததாகக் கூறப்படுகிறது.

இதுகுறித்த புகாரின்பேரில் தாளமுத்துநகா் போலீஸாா் வழக்குப் பதிவு செய்து, பாலமுருகனை கைது செய்தனா்.