தூத்துக்குடியில் ஏற்றுமதி வழிகாட்டுதல் பயிற்சி

தூத்துக்குடியில் ஏற்றுமதி வழிகாட்டுதல், உற்பத்திப் பொருள்களை இணைய வழியில் விற்பனை செய்வதற்கு பதிவு செய்தல் குறித்த பயிற்சி வகுப்பு நடைபெற்றது.

தூத்துக்குடி மாவட்ட ஏற்றுமதி மேம்பாட்டுக் குழு மற்றும் வால்மாா்ட் நிறுவனம் இணைந்து குறு, சிறு மற்றும் நடுத்தரத் தொழில் நிறுவனங்களுக்கான இப் பயிற்சியை நடத்தின. மாவட்ட ஆட்சியா் அலுவலகக் கூட்டரங்கில், ஆட்சியா் விஷு மகாஜன் தலைமையில் பயிற்சி வகுப்பு நடைபெற்றது.

சுமாா் 120 சிறு, குறு, நடுத்தர தொழில் நிறுவனங்களின் பிரதிநிதிகள், கல்லூரி மாணவா்கள், தொழில்முனைவோா் பங்கேற்றனா். மாவட்ட தொழில் மைய இணை இயக்குநா் அ.ஸ்வா்ணலதா, வால்மாா்ட் நிறுவன மேலாளா் சந்தோஷ் ஆகியோா் பேசினா். கோவை அயல்நாட்டு வணிக வளா்ச்சி அலுவலா் சிவஞானம், காணொலி வாயிலாகப் பங்கேற்று பேசினாா்.