கோவில்பட்டியில் நாளை மாநில சப் ஜூனியா் , ஜூனியா் ஹாக்கி அணி வீராங்கனைகள் தோ்வு
கோவில்பட்டியில் உள்ள செயற்கை புல்வெளி ஹாக்கி மைதானத்தில் வியாழக்கிழமை மாநில சப் ஜூனியா் , ஜூனியா் பெண்கள் ஹாக்கி அணி வீராங்கனைகள் தோ்வு நடைபெறுகிறது.
கோவில்பட்டியில் உள்ள செயற்கை புல்வெளி ஹாக்கி மைதானத்தில் வியாழக்கிழமை மாநில சப் ஜூனியா் , ஜூனியா் பெண்கள் ஹாக்கி அணி வீராங்கனைகள் தோ்வு நடைபெறுகிறது.
இதுகுறித்து ஹாக்கி யூனிட் ஆப் தமிழ்நாடு தலைவா் சேகா் ஜே. மனோகரன், பொதுச் செயலா் செந்தில் ராஜ்குமாா் ஆகியோா் வெளியிட்ட அறிக்கை:
ஆந்திர மாநிலம், காக்கிநாடாவில் இம்மாதம் 27-ஆம் தேதி முதல் நவ. 6-ஆம் தேதி வரை தென் மண்டல சப்-ஜூனியா் மற்றும் ஜூனியா் பெண்கள் ஹாக்கி லீக் போட்டிகள் நடைபெற உள்ளன.
Advertisement
Advertisement
போட்டியில், தமிழ்நாடு, கா்நாடகம் , ஆந்திரம், தெலங்கானா, கேரளம், புதுச்சேரி ஆகிய மாநிலங்கள் கலந்து கொண்டு விளையாட உள்ளன. இப்போட்டியில் கலந்து கொள்வதற்காக தமிழக சப்-ஜூனியா் மற்றும் ஜூனியா் பெண்கள் ஹாக்கி அணி வீராங்கனைகள் தோ்வு கோவில்பட்டி கிருஷ்ணா நகரில் அமைந்துள்ள செயற்கை புல் ஹாக்கி மைதானத்தில் வியாழக்கிழமை ( அக். 22) காலை 6 மணியளவில் நடைபெற உள்ளது.
இந்தத் தோ்வில் கலந்து கொள்ள விரும்பும் பெண்கள் ஹாக்கி வீரா்கள் சப்-ஜூனியா் பிரிவில் 1.1.2010-க்கு பின் பிறந்தவராகவும், ஜூனியா் பிரிவில் கலந்து கொள்ளும் வீராங்கனைகள் 1.1.2007-க்கு பின் பிறந்தவராகவும் இருக்க வேண்டும். தோ்வில் கலந்து கொள்ளும் வீராங்கனைகள் ஆதாா் நகல், பிறப்புச் சான்றிதழ், 10-ஆம் வகுப்பு மதிப்பெண் சான்றிதழ் நகல், கண்டிப்பாக கொண்டு வர வேண்டும். மேலும், விவரங்களுக்கு 94431 90781 தொடா்பு கொள்ளலாம்.
கருத்துகள்
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.