விஷம் குடித்த காா் ஓட்டுநா் மருத்துவமனையில் உயிரிழப்பு

கடன் தவணை செலுத்த வலியுறுத்தி தனியாா் நிதி நிறுவன ஊழியா்கள் அவமதித்ததாகக் கூறப்படும் நிலையில், விஷம் குடித்து மருத்துவமனையில் சிகிச்சை பெற்று வந்த காா் ஓட்டுநா் ஞாயிற்றுக்கிழமை உயிரிழந்தாா்.

தூத்துக்குடி போல்டன்புரம் 1-ஆவது தெருவைச் சோ்ந்தவா் கதிரவன் (44). இவா், காா் வாங்குவதற்காகத் தனியாா் நிதி நிறுவனத்தில் ரூ. 7.50 லட்சம் கடன் பெற்றிருந்தாராம். தொழில் பாதிக்கப்பட்டதால் கடந்த ஆகஸ்ட், செப்டம்பா் மாதத் தவணைகளை அவரால் செலுத்த முடியவில்லையாம்.

இதையடுத்து, அக். 15-ஆம் தேதி இவரது வீட்டுக்குச் சென்ற நிதி நிறுவன ஊழியா்கள் 5 போ், கதிரவனை அவமதித்ததுடன் காரைப் பறிமுதல் செய்ய முயன்ாகக் கூறப்படுகிறது. இதனால் மனமுடைந்த இவா், அக். 16-ஆம் தேதி விஷம் குடித்தாராம்.

இதையடுத்து தூத்துக்குடி அரசு மருத்துவக் கல்லூரி மருத்துவமனையில் அனுமதிக்கப்பட்ட கதிரவன், அங்கு ஞாயிற்றுக்கிழமை உயிரிழந்தாா். இதுகுறித்து அவரது மனைவி கவிதா அளித்த புகாரின்பேரில், தென்பாகம் போலீஸாா் வழக்குப் பதிந்து விசாரணை நடத்தி வருகின்றனா்.