மின்னல் பாய்ந்து கட்டடத் தொழிலாளி உயிரிழப்பு

எட்டயபுரம் அருகே தாப்பாத்தியில் மின்னல் பாய்ந்ததில் கட்டடத் தொழிலாளி உயிரிழந்தாா்.

புதூா் அருந்ததியா் காலனியைச் சோ்ந்த பால்பாண்டி மகன் முனியசாமி (24). கட்டடத் தொழிலாளி. இவா், எட்டயபுரம் அருகே தாப்பாத்தியில் உள்ள இலங்கை தமிழா் மறுவாழ்வு முகாமில் நடைபெற்று வரும், கட்டுமான பணியில் பணியாற்றி வந்தாா்.

இதற்காக, அங்கு அமைக்கப்பட்டிருந்த குடிசை வீட்டில் புதூா் புதுக்காலனியைச் சோ்ந்த மாரிமுத்து (34), கன்னியாகுமரி மாவட்டத்தைச் சோ்ந்த சுனில் (45) ஆகிய சக தொழிலாளா்களுடன் முனியசாமி தங்கியிருந்தாா்.

இந்நிலையில், புதன்கிழமை இரவு இடி, மின்னலுடன் கூடிய பலத்த மழை பெய்தது. அப்போது, மின்னல் பாய்ந்து முனியசாமி சம்பவ இடத்திலேயே உயிரிழந்தாா். மாரிமுத்து காயமடைந்தாா்.

தகவலறிந்து வந்த மாசாா்பட்டி போலீஸாா், சடலத்தை மீட்டு உடல்கூறாய்வுக்காக கோவில்பட்டி அரசு மருத்துவமனைக்கு அனுப்பி வைத்தனா். தூத்துக்குடி அரசு மருத்துவக் கல்லூரி மருத்துவமனையில் மாரிமுத்துவை சோ்த்தனா்.

இச்சம்பவம் குறித்து போலீஸாா் வழக்குப் பதிந்து விசாரணை நடத்தி வருகின்றனா்.