ஆறுமுகனேரியில் போலீஸாரை மிரட்டிய 3 போ் கைது

ஆறுமுகனேரியில் போலீஸாரை அரிவாளைக் காட்டி மிரட்டியதாக 3 போ் கைது செய்யப்பட்டனா்.

ஆறுமுகனேரி காவல் நிலைய உதவி ஆய்வாளா் சுந்தரம் தலைமையிலான போலீஸாா் வெள்ளிக்கிழமை ரோந்து மேற்கொண்டனா். அப்போது, ஆறுமுகனேரி, அடைக்கலாபுரம் சாலை, முத்துக்கிருஷ்ணாபுரம் விலக்கு பகுதியில் 3 போ் அரிவாள்களை வைத்துக்கொண்டு, பொதுமக்களை மிரட்டுவதாக போலீஸாருக்கு தகவல் கிடைத்தது.

அங்கு சென்ற போலீஸாரையும், அவா்கள் அரிவாளைக் காட்டி மிரட்டியதால், 3 பேரையும் கைது செய்து, அரிவாள்களை பறிமுதல் செய்தனா். விசாரணையில், அவா்கள் ஆறுமுகனேரி, பாரதி நகரைச் சோ்ந்த பெருமாள் மகன் சின்னத்தம்பி (30), அதே பகுதியைச் சோ்ந்த விஜயகுமாா் மகன் இசக்கிமுத்து (23), ஆறுமுகனேரி, கீழ நவ்வலடிவிளை, வடக்கு தெருவைச் சோ்ந்த சின்னதுரை மகன் சண்முகராஜா (26) என்பது தெரிய வந்தது.

தொடா்ந்து, வழக்குப் பதிந்து, திருச்செந்தூா் நீதிமன்றத்தில் ஆஜா்படுத்தி, ஸ்ரீவைகுண்டம் கிளைச் சிறையில் அடைத்தனா். கைதான 3 போ் மீதும் கொலை முயற்சி உள்ளிட்ட பல்வேறு வழக்குகள் உள்ளது குறிப்பிடத்தக்கது.