சமூக வலைதளத்தில் அரிவாள்களுடன் புகைப்படம்: 2 இளைஞா்கள் மீது வழக்கு

சமூக வலைதளத்தில் அரிவாள்களுடன் இருப்பதுபோன்ற புகைப்படங்கள், வாசகங்கள் பதிவிட்டதாக இரு இளைஞா்களை போலீஸாா் தேடி வருகின்றனா்.

தூத்துக்குடி ராஜகோபால் நகரைச் சோ்ந்த அருண் (35), தனது சமூக வலைதளப் பக்கத்தில் ஒருவா் அரிவாளுடன் நிற்பது போன்ற புகைப்படத்தையும், பொது அமைதிக்குப் பங்கம் விளைவிக்கும் வாசகங்களையும் பதிவிட்டுள்ளாா்.

இதேபோல, மற்றோா் இளைஞா் பெரிய அரிவாளுடன் இருப்பது போன்ற படத்தையும், தன்னை ரௌடி போல சித்திரிக்கும் வாசகங்களையும் பதிவிட்டுள்ளாா். இதுகுறித்து முறையே சிப்காட், தென்பாகம் போலீஸாா் வழக்குப் பதிந்து, இருவரையும் தேடிவருகின்றனா்.