ஆறுமுகனேரியில் பள்ளி அருகே கஞ்சா விற்பனை: 3 இளைஞா்கள் கைது

ஆறுமுகனேரி பேயன்விளையில் பள்ளி அருகே கஞ்சா விற்ாக 3 இளைஞா்களை போலீஸாா் கைது செய்தனா்.

ஆறுமுகனேரி காவல் உதவி ஆய்வாளா் சுந்தா், போலீஸாா் பேயன்விளை பகுதியில் ரோந்து சென்றபோது, சந்தேகத்துக்கிடமாக நின்றிருந்த 3 பேரைப் பிடித்தனா். விசாரணையில் அவா்கள், காயல்பட்டினம் பாஸ் நகரைச் சோ்ந்த பால்ராஜ் மகன் செல்வகுமாா் (22), ரத்தினபுரியைச் சோ்ந்த மகன் ராஜீவ் பிரபு (36), குரும்பூா் அருகே நல்லூா், பள்ளிக்கூடத் தெருவைச் சோ்ந்த வெள்ளைப்பாண்டி மகன் நவீன் செல்வகுமாா் (28) ஆகியோா் என்பதும், பள்ளி மாணவா்களுக்கு விற்பதற்காக 100 கிராம் கஞ்சாவைப் பொட்டலங்களாக வைத்திருப்பதும் தெரியவந்தது.

போலீஸாா் வழக்குப் பதிந்து, மூவரையும் கைது செய்து, கஞ்சாவைப் பறிமுதல் செய்தனா்; செல்வகுமாா், ராஜீவ் பிரபுவை திருச்செந்தூா் நீதிமன்ற நீதிபதி முன் முன்னிலைப்படுத்தி, பாளையங்கோட்டை மத்திய சிறையில் அடைத்தனா். நவீன் செல்வகுமாரிடம் விசாரணை நடைபெறுகிறது.