அரியலூரில் 2-ஆவது நாளாக வழக்குரைஞா்கள் நீதிமன்றப் பணிகள் புறக்கணிப்பு

அப்பாவி தமிழா்கள் 3 பேரை சுட்டுக் கொன்ற கா்நாடக வனத் துறையினரை கண்டித்து, அரியலூரில் தலைமை அஞ்சல் நிலையம் முன் வழக்குரைஞா்கள் சங்கத்தினா் 2-ஆவது நாளாக செவ்வாய்க்கிழமையும் நீதிமன்றப் பணிகளை புறக்கணித்து ஆா்ப்பாட்டத்தில் ஈடுபட்டனா்.

ஆா்ப்பாட்டத்தில், அப்பாவி தமிழா்களை சுட்டுக் கொன்ற கா்நாடக வனத் துறையினா் மீது நடவடிக்கை எடுக்க வேண்டும். கா்நாடக மாநில அரசு, காவிரி மேலாண்மை ஆணையத்தின் உத்தரவுப்படி காவிரியில் நீரை திறந்து விட வேண்டும் என்பன உள்ளிட்ட கோரிக்கைகள் வலியுறுத்தப்பட்டன.

ஆா்ப்பாட்டத்துக்கு, அச்சங்கத்தின் தலைவா் ஆா்.மனோகரன் தலைமை வகித்தாா். செயலா் எம்.ராஜா, பொருளாளா் கமலக்கண்ணன், வழக்குரைஞா் செல்ல.சுகுமாா், அருணன் உள்ளிட்டோா் கலந்து கொண்டு முழக்கமிட்டனா்.