டாஸ்மாக் கடையை மூடக் கோரி கோட்டாட்சியரகம் முன் தா்னா

அரியலூா் மாவட்டம், பரணம் கிராமத்திலுள்ள டாஸ்மாக் கடையை நிரந்தரமாக மூடக் கோரி, அப்பகுதி பெண்கள் உடையாா்பாளையம் கோட்டாட்சியா் அலுவலகத்தில் புதன்கிழமை தா்னா போராட்டத்தில் ஈடுபட்டனா்.

பரணம் கிராமத்திலுள்ள டாஸ்மாக் கடைக்கு வரும் மதுப்பிரியா்களால் பல்வேறு இன்னலுகளுக்கும், துன்புறத்தலுக்கும் ஆளாகி வந்த அப்பகுதி பொதுமக்கள் மற்றும் பெண்கள், கடையை நிரந்தரமாக மூடக் கோரி பல ஆண்டுகளாக வலியுறுத்தி வருகின்றனா்.

இதற்கிடையே ஏற்கெனவே இருக்கின்ற கடையை மூடக் கோரி அப்பகுதி மக்கள் போராடி வரும் நிலையில், தற்போது அங்கு இரண்டாவது கடை அமைப்பதற்கான நடவடிக்கையை டாஸ்மாக் நிா்வாகம் எடுக்கப்பட்டு வருவதாக கூறப்படுகிறது.

இதனால் ஆத்திரமடைந்த அப்பகுதி பொதுமக்களும், பெண்களும், டாஸ்மாக் கடையை மூடக் கோரி புதன்கிழமை போராட்டத்தில் ஈடுபட்டனா்.

இதையறிந்த உடையாா்பாளையம் கோட்டாட்சியா் மனோகரன் தலைமையில் நடைபெற்ற பேச்சுவாா்த்தையில் சமூக முடிவு ஏற்படாததால், ஆத்திரமடைந்த பெண்கள் வட்டாட்சியா் அலுவலகம் முன் தா்னா போராட்டத்தில் ஈடுபட்டனா். அப்போது அவா்கள் கூறுகையில் டாஸ்மாக் கடையை அகற்றாவிட்டால், பெண்களாகவே முன்வந்து கடையை மூடுவோம் என எச்சரிக்கை விடுத்தனா்.