கீழப்பழுவூா் அருகே தூக்கிட்ட நிலையில் பெண் சடலம் மீட்பு

அரியலூா் மாவட்டம், கீழப்பழுவூா் அருகே பெண் தூக்கிட்ட நிலையில் சடலமாக கிடந்தது குறித்து காவல் துறையினா் விசாரணை மேற்கொண்டு வருகின்றனா்.

நானாங்கூா் கிராமத்தைச் சோ்ந்தவா் பிச்சைப்பிள்ளை மனைவி ராஜேஸ்வரி(35). தம்பதிக்கு 2 குழந்தைகள் உள்ள நிலையில் பிச்சைப்பிள்ளை தனது மனைவி ராஜேஸ்வரி மீது சந்தேகப்பட்டு அடிக்கடி தகராறில் ஈடுபடுவாராம்.

கடந்த 24-ஆம் தேதி தம்பதியிடையே ஏற்பட்ட தகராறில் கோபித்துக் கொண்டு வீட்டை விட்டு வெளியே சென்ற ராஜேஸ்வரி அதன்பிறகு வீடு திரும்பவில்லை.

பல இடங்களில் தேடியும் அவா் கிடைக்காததால் அவரது கணவா் பிச்சைப்பிள்ளை, தூத்தூா் காவல் நிலையத்தில் தனது மனைவியை காணாவில்லை என புகாா் அளித்தாா். அதன்பேரில் காவல் துறையினா் வழக்குப் பதிந்து ராஜேஸ்வரியை தேடி வந்தனா்.

இந்நிலையில், திங்கள்கிழமை கீழப்பழுவூா் தோட்டக்கலைத் துறை பின்புறம் வாரியிலுள்ள ஒரு வேப்பமரத்தில், ராஜேஸ்வரி தூக்கிட்ட நிலையில் சடலமாக கிடந்தது தெரியவந்தது. தகவலறிந்து சென்ற கீழப்பழுவூா் காவல் துறையினா், சடலத்தை மீட்டு, அரியலூா் அரசு மருத்துவக் கல்லூரி மருத்துவமனைக்கு அனுப்பி வைத்து, வழக்குப் பதிந்து விசாரிக்கின்றனா்.