நகைக்கடைகள் அடைப்பு போராட்டம்: மேலும் 3 நாட்களுக்கு நீட்டிப்பு

ஒரு சதவீத மத்திய கலால் வரியை நீக்க வலியுறுத்தி நகைக்கடைகள் நடத்திய கடையடைப்பு மேலும் 3 நாட்களுக்கு நீட்டிக்கப்பட்டுள்ளது.

இதுதொடர்பாக கரூர் ஷராப் வர்த்தகர்கள் சங்கத் தலைவர் கே. ரவீந்திரகுமார் கூறுகையில், மத்திய பட்ஜெட்டில் தங்க நகைகளுக்கு ஒரு சதவீத கலால் வரி விதிக்கப்பட்டதைக் கண்டித்து,

கரூர் மாவட்டத்தில் உள்ள நகைக் கடை உரிமையாளர்கள் மார்ச் 2-ம் தேதி முதல் மார்ச் 4-ம் தேதி வரை கடையடைப்புப் போராட்டம் நடத்தினர். இதில் எவ்வித தீர்வும் எட்டப்படவில்லை. இதனால் இக்கடையடைப்புப் போராட்டம் மேலும் 3 நாட்களுக்கு நீட்டிக்கப்பட்டுள்ளது. இதையடுத்து இன்று (மார்ச் 5-ம் தேதி) தொடங்கி மார்ச் 7-ம் தேதி வரை கரூர் மாவட்டத்தில் உள்ள அனைத்து நகைக்கடைகளும் மூடப்பட்டிருக்கும் என்றார்.