அரசு பொருட்காட்சி அமைக்கும் பணிகள் ஆய்வு

கரூர் திருவள்ளுவர் மைதானத்தில் அரசுப் பொருட்காட்சி முதன்முறையாக வரும் 8ஆம் தேதி தொடங்கவுள்ளது என்றார் ஆட்சியர் த.அன்பழகன்.
 முன்னதாக அனைத்து அரசுத் துறைகளின் அரங்குகள் அமைக்கும் பணிகள் நடைபெற்று வருவதை புதன்கிழமை பார்வையிட்டு ஆய்வுசெய்த அவர் மேலும் கூறியது:  கரூர் திருவள்ளுவர் மைதானத்தில் 8 ஆம் தேதி துவங்கும் கண்காட்சியை செய்தி மற்றும் விளம்பரத் துறை அமைச்சர் கடம்பூர் ராஜூ தொடக்கி வைக்கிறார். இதில், மக்களவை துணைத் தலைவர் மு.தம்பிதுரை, போக்குவரத்து துறை அமைச்சர் எம்.ஆர்.விஜயபாஸ்கர் ஆகியோர் பங்கேற்கிறார்கள். 
தமிழக அரசின் திட்டங்கள் மற்றும் சாதனைகள் குறித்து விளக்கும் வகையில் செய்தி மக்கள் தொடர்புத்துறை, வருவாய் துறை,  உள்ளிட்ட 27 அரசுத்துறைகளின் அரங்குகளும் பொதுமக்கள் பார்த்து பயன்பெறும் வகையில் அரசுப்பொருட்காட்சியில் அமைக்கப்பட்டுள்ளது.  மேலும், குழந்தைகளுக்கு பொழுதுபோக்கு அம்சங்களுடன் கூடிய விளையாட்டுகளும், தனியார் அரங்குகளும் அமைக்கப்பட்டுள்ளது என்றார்.