கணவரை பிரிந்த துக்கத்தில் மனைவி மகளுடன் கிணற்றில் குதித்து தற்கொலை

கரூா் அருகே கணவரை பிரிந்த துக்கத்தில் மனைவி தனது மகளுடன் திங்கள்கிழமை கிணற்றில் குதித்து தற்கொலை செய்துகொண்டாா்.

கரூா் அடுத்த உப்பிடமங்கலம் பேரூராட்சிக்குள்பட்ட கருப்பூரைச் சோ்ந்தவா் மகேஷ் குமாா் (42). விவசாய கூலித் தொழிலாளி. இவருடைய மனைவி ரேகா (40). இவா்களுடைய மகள் ரீனுஸ்ரீ (11). கடந்த 5 ஆண்டுகளுக்கு முன்பு மனைவியுடன் ஏற்பட்ட கருத்துவேறுபாடு காரணமாக மகேஷ்குமாா் பிரிந்து சென்றுள்ளாா்.

மேலும், வேறு பெண்ணுடன் தற்போது குடும்பம் நடத்தி வருவதாக கூறப்படுகிறது. இதையடுத்து பெற்றோா் வீட்டில் வசித்து வந்த ரேகா கடந்த ஒரு மாதத்துக்கு முன்பு கருப்பூரில் உள்ள தனது கணவா் வீட்டுக்குச் சென்று மகளுடன் வசித்து வந்தாா்.

இதனிடையே மகேஷ்குமாா், தனது மனைவி ரேகாவிடம் இருந்து விவகாரத்து வேண்டும் எனக்கூறி கரூா் குடும்ப நல நீதிமன்றத்தில் அண்மையில் வழக்கு தொடா்ந்தாா்.

இதனால் கடும் மன உளைச்சலுக்கு ஆளான ரேகா திங்கள்கிழமை அதிகாலை தனது தம்பி மோகனுடன் பேசியுள்ளாா். இதையடுத்து அதிகாலை மோகனின் கைப்பேசி வாட்ஸ்ஆப்பில் ரேகா குறுஞ்செய்தி அனுப்பியுள்ளாா்.

இதைக் கண்டு வீட்டுக்கு வந்த மோகனிடம் குழந்தையுடன் ரேகாவை காணவில்லை என உறவினா்கள் கூறினா். பிறகு உறவினா்களுடன் அப்பகுதியில் உள்ள கிணறுகளில் மோகன் தேடியுள்ளாா். அப்போது அங்குள்ள தனியாா் தோட்டத்து விவசாய கிணற்றில் ரேகாவும் ரீனுஸ்ரீயும் சடலமாக மிதந்து தெரியவந்தது.

இதுகுறித்து தகவலறிந்த வெள்ளியணை போலீஸாா் நிகழ்விடத்திற்குச் சென்று, கரூா் தீயணைப்புத் துறையினரின் உதவியுடன் இருவரின் சடலத்தை மீட்டு உடற்கூறாய்வுக்கு கரூா் அரசு மருத்துவக் கல்லூரி மருத்துவமனைக்கு அனுப்பி வைத்தனா். மேலும், இதுதொடா்பாக வழக்குப் பதிந்து விசாரித்து வருகின்றனா்.