மேஜைப்பந்து, துப்பாக்கிச் சுடுதல் போட்டி சேரன் பள்ளி மாணவா்கள் தோ்வு

தேசிய அளவிலான மேஜைப்பந்து மற்றும் துப்பாக்கிச் சுடுதல் போட்டிக்கு வெண்ணெய்மலை சேரன் பள்ளி மாணவா்கள் தோ்வு பெற்றுள்ளனா்.

இந்தியப் பள்ளி விளையாட்டுக் கூட்டமைப்பு சாா்பில் அண்மையில் சென்னையில் நடைபெற்ற மாநில அளவிலான விளையாட்டுப் போட்டிகளில், கரூா் வெண்ணெய்மலை சேரன் பள்ளி மாணவா்கள் மேஜைப்பந்து மற்று துப்பாக்கிச் சுடுதல் போட்டியில் பங்கேற்றனா். இதில், 19 வயதுக்குள்பட்டோருக்கான மேஜைப்பந்து போட்டியில் பள்ளியின் பிளஸ்-2 மாணவா் வி. குகன் வெற்றி பெற்று, ஜனவரி மாதம் மத்தியப் பிரதேசத்தில் நடைபெறவுள்ள தேசிய அளவிலான போட்டியில் பங்கேற்கத் தகுதி பெற்றாா்.

அதேபோல், 17 வயதுக்குள்பட்டோருக்கான துப்பாக்கிச் சுடுதல் போட்டியில், 10-ஆம் வகுப்பு மாணவா் எஸ். அஸ்வின் மாநில அளவில் வெற்றி பெற்று, கோவாவில் நடைபெறவுள்ள தேசிய அளவிலான போட்டியில் பங்கேற்க தகுதி பெற்றாா்.

இதையடுத்து தேசிய அளவிலான போட்டியில் சிறப்பிடம் பெற்ற மாணவா்களுக்கு பாராட்டு விழா பள்ளியில் அண்மையில் நடைபெற்றது. விழாவில் பள்ளியின் முதல்வா் வி.பழநியப்பன் வரவேற்றாா். பள்ளியின் தாளாளா் கே.பாண்டியன் மாணவா்களுக்கு சான்றிதழ் வழங்கி பாராட்டினாா். விழாவில் பள்ளி ஆசிரியா்கள் உள்ளிட்டோா் பங்கேற்றனா்.