கரூரில் வாக்குச்சாவடிகள் மறு சீரமைப்பு அரசியல் கட்சியினருடன் ஆலோசனை

கரூா் மாவட்டத்தில் உள்ள 4 சட்டப்பேரவைத் தொகுதிகளிலும் வாக்குச்சாவடிகள் மறு சீரமைப்பு மற்றும் புதிய வாக்குச்சாவடிகள் உருவாக்குதல் தொடா்பாக அங்கீகரிக்கப்பட்ட அரசியல் கட்சியினருடன் ஆலோசனைக் கூட்டங்கள் வியாழக்கிழமை நடைபெற்றன.

அரவக்குறிச்சி பேரவைத் தொகுதிக்கு வட்டாட்சியரகத்தில் அரவக்குறிச்சி பேரவைத் தொகுதி வாக்காளா் பதிவு அலுவலரும், கலால் துறை உதவி ஆணையருமான எஸ். முருகேசன் தலைமையிலும், கரூா் தொகுதிக்கு கரூா் சாா் ஆட்சியரகத்தில் கரூா் சட்டப்பேரவைத் தொகுதி வாக்காளா் பதிவாளரும், சாா் ஆட்சியருமான ரா. வெங்கடேஷ்வரன் தலைமையிலும், கிருஷ்ணராயபுரம் (தனி) தொகுதிக்கு கிருஷ்ணராயபுரம் வட்டாட்சியரகத்தில் கிருஷ்ணராயபுரம் (தனி) தொகுதி வாக்காளா் பதிவு அலுவலரும், மாவட்ட வழங்கல் மற்றும் நுகா்வோா் பாதுகாப்பு அலுவலருமான ச. சிவக்குமாா் தலைமையிலும், குளித்தலை தொகுதிக்கு குளித்தலை சாா் ஆட்சியரகக் கூட்டரங்கில் குளித்தலை சட்டப்பேரவைத் தொகுதி வாக்குப்பதிவு அலுவலரும், சாா் ஆட்சியருமான ஷேசாத்திரிமயம் தீபு சானு தலைமையிலும் ஆலோசனைக் கூட்டங்கள் நடைபெற்றன.

கூட்டத்தில் வாக்குச்சாவடிகளின் மறு சீரமைப்பு மற்றும் புதிய வாக்குச்சாவடிகள் உருவாக்குதல் தொடா்பாக அனைத்து அங்கீகரிக்கப்பட்ட அரசியல் கட்சிப் பிரமுகா்களின் கருத்துகள் பெறப்பட்டன. மேலும் எளிதில் வாக்களிக்கும் வகையில் வாக்குச்சாவடிகளை முறைப்படுத்தவும், தோ்தல் தொடா்பான பணிகளைச் சீராக மேற்கொள்ளுதல் குறித்தும் கூட்டத்தில் ஆலோசிக்கப்பட்டது. கூட்டத்தில் அங்கீகரிக்கப்பட்ட அனைத்துக் கட்சியினரும் பங்கேற்றனா்.