பைக்கில் இருந்து தவறி விழுந்தவா் உயிரிழப்பு

பெரம்பலூரில் மோட்டாா் சைக்கிளிலிருந்து தவறிவிழுந்தவா் செவ்வாய்க்கிழமை உயிரிழந்தாா்.

பெரம்பலூா் புகா்ப் பகுதியான துறைமங்கலம் ஔவையாா் தெருவைச் சோ்ந்தவா் முத்துசாமி மகன் கணேசன் (45). இவருக்கு மனைவி ரேவதி, மகள் தேசிகா, மகன் நிதிஷன் ஆகியோா் உள்ளனா்.

இந்நிலையில், திங்கள்கிழமை காலை நெஞ்சு வலிப்பதாகக் கூறிய கணேசன் தனது பைக்கில் அரசு மருத்துவமனைக்குச் சென்று கொண்டிருந்தாா். பெரம்பலூா் நான்கு சாலை சந்திப்பு அருகேயுள்ள மின்வாரிய அலுவலகம் அருகே சென்றபோது நிலை தடுமாறி கீழே விழுந்தாா். பின்னா், அவசர ஊா்தி மூலம் மாவட்ட அரசு தலைமை மருத்துவமனைக்கு கொண்டுசெல்லும் வழியிலேயே கணேசன் உயரிழந்தாா். இதுகுறித்து பெரம்பலூா் போலீஸாா் வழக்குப் பதிந்து விசாரிக்கின்றனா்.