அறுவை சிகிச்சை மூலம் பெண்ணுக்கு 3 கிலோ கட்டி அகற்றம்

பொன்னமராவதி தனியார் மருத்துவமனையில் பெண்ணின் கர்ப்பபையிலிருந்த 3 கிலோ கட்டி அறுவை சிகிச்சை மூலம் ஞாயிற்றுக்கிழமை அகற்றப்பட்டது.
திண்டுக்கல் மாவட்டம், நிலக்கோட்டை அருகே லட்சுமிபுரம் பூசாரிபட்டியைச் சேர்ந்த ராஜாராம் மனைவி லட்சுமி(40). வயிற்று வலியால் அவதிப்பட்ட லட்சுமி, பொன்னமராவதியில் உள்ள தனியார் மருத்துவமனையில் சேர்க்கப்பட்டார். 
மருத்துவர் அழகேசன் தலைமையிலான குழுவினர் அவரை பரிசோதித்ததில், கர்ப்பப் பையில் கட்டி இருப்பது தெரியவந்தது. இதையடுத்து அறுவை சிகிச்சை மூலம் 3 கிலோ கட்டி அகற்றப்பட்ட லட்சுமி தற்போது நலமுடன் உள்ளார்.