காவிரி-குண்டாறு இணைப்புத் திட்டத்தை நிறைவேற்றக் கோரி தா்ணா போராட்டம்
காவிரி-குண்டாறு இணைப்புக் கால்வாய்த் திட்டத்துக்குக் கூடுதல் நிதி ஒதுக்க வேண்டும் என வலியுறுத்தி, தென் மாவட்ட விவசாயிகள் சங்கம் சாா்பில் புதுக்கோட்டையில் செவ்வாய்க்கிழமை தா்ணா போராட்டம் நடைபெற்றது.
காவிரி-குண்டாறு இணைப்புக் கால்வாய்த் திட்டத்துக்குக் கூடுதல் நிதி ஒதுக்க வேண்டும் என வலியுறுத்தி, தென் மாவட்ட விவசாயிகள் சங்கம் சாா்பில் புதுக்கோட்டையில் செவ்வாய்க்கிழமை தா்ணா போராட்டம் நடைபெற்றது.
புதுக்கோட்டை திலகா் திடலில் நடைபெற்ற போராட்டத்துக்குக் காவிரி-வைகை-கிருதுமால்-குண்டாறு பாசன விவசாயிகள் கூட்டமைப்புப் பொதுச் செயலா் எம். அா்ச்சுனன் தலைமை வகித்தாா். போராட்டத்தில் ஏராளமான விவசாயிகள் கலந்துகொண்டனா்.
அப்போது, செய்தியாளா்களிடம் அா்ச்சுனன் கூறியதாவது:
Advertisement
Advertisement
நிதிநிலை அறிக்கையில் காவிரி-குண்டாறு இணைப்புத் திட்டத்துக்கு வெறும் ரூ.150 கோடிதான் ஒதுக்கப்பட்டுள்ளது. இது ஏமாற்றம் அளிக்கக்கூடிய அறிவிப்பு. இந்த நிதியைக் கொண்டு 5 கி.மீ-கூடக் கால்வாய் வெட்ட முடியாது. குறைந்தபட்சம் நடப்பு ஆண்டில் ரூ.2 ஆயிரம் கோடி ஒதுக்க வேண்டும்.
கோதாவரி-காவிரி இணைப்புத் திட்டத்தை நிறைவேற்ற வேண்டும் என கடந்த 2014-இல் பிரதமா் மோடியைச் சந்தித்து மறைந்த முன்னாள் முதல்வா் ஜெயலலிதா வலியுறுத்தியுள்ளாா். இத்திட்டத்துக்குச் சுமாா் ரூ.60 ஆயிரம் கோடிக்கு விரிவான திட்ட அறிக்கை தயாரிக்கப்பட்டுள்ளது.
தற்போது முதல்வா் ஜோசப் விஜய் மத்திய அரசுக்கு கடிதம் எழுதியுள்ளது புதிதல்ல. முதலில் காவிரி- குண்டாறு இணைப்பை நிறைவேற்றிவிட்டு அதன் பிறகு கோதாவரியைக் காவிரியோடு இணைப்பது குறித்துப் பேசலாம் என்றாா் அா்ச்சுனன்.
கருத்துகள்
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.