முதல்வரிடம் எம்.பி. ஜோதிமணி கோரிக்கை

புதுக்கோட்டைக்கு திங்கள்கிழமை நடைபெற்ற அரசு விழாவின் நிறைவில் முதல்வா் ஜோசப் விஜய்யிடம் கரூா் எம்பி செ. ஜோதிமணி கோரிக்கைகள் அடங்கிய கடிதங்களை வழங்கினாா்.

அதில், புதுக்கோட்டை, மணப்பாறை, கடவூா், குஜிலியம்பாறை பகுதிகளுக்கான கூட்டுக் குடிநீா்த் திட்டங்களுக்கு மத்திய அரசு நிதி வழங்க மறுத்துள்ளதைத் தொடா்ந்து மாநில அரசே மேற்கொள்வதற்கான நடவடிக்கைகளை மேற்கொள்ள வேண்டும் என்றும் விராலிமலையில் அரசுக் கல்லூரி அமைக்க வேண்டும் என்றும் தெரிவித்திருந்தாா்.

வேட்பாளா் அடைக்கப்பட்டதாக புகாா்: புதுக்கோட்டை தவெக வேட்பாளரும் தமிழக மக்கள் ஜனநாயகக் கட்சியின் நிறுவனருமான கே.எம். சரீப், கோரிக்கை மனு அளிப்பதற்காக முதல்வரைச் சந்திக்க ஆட்சியா் அலுவலகம் வந்தாா். அவருடன் காங்கிரஸ் நிா்வாகிகள் வழக்குரைஞா் சந்திரசேகரன், இப்ராஹிம்பாபு உள்ளிட்டோரும் வந்தனா்.

முதல்வரைச் சந்திக்க பிறகு அனுமதிப்பதாகக் கூறிய காவல்துறையினா் ஆட்சியா் அலுவலகத்தில் உள்ள சிறிய கூட்ட அரங்கில் அமர வைத்தனா். பின்னா் அந்த அறையைப் பூட்டிவிட்டு, நிகழ்ச்சி முடிந்து முதல்வா் சென்ற பிறகே திறந்துவிட்டதாக சரீப் தனது முகநூல் பக்கத்தில் வருத்தம் தெரிவித்து விடியோ பதிவு போட்டுள்ளாா்.

காவலில் வைக்கப்பட்ட தேமுதிக நிா்வாகிகள்: முதல்வா் ஜோசப் விஜய் வருகைக்கு எதிா்ப்பு தெரிவித்து தேமுதிக மாவட்டச் செயலா் ஆா். காா்த்திகேயன் அறிக்கை வெளியிட்டிருந்தாா். இதையடுத்து, அவா் உள்ளிட்ட நிா்வாகிகளை அசோக்நகரிலுள்ள தேமுதிக அலுவலகத்திலேயே போலீஸாா் காவலில் வைத்திருந்தனா். முதல்வா் விஜய் திருச்சி திரும்பிய பிறகே அவா்களை வெளியே செல்ல அனுமதித்தனா்.