ஆயுள் தண்டனை கைதியை அழைத்து வந்த காா் சாலையோர வீட்டின் மீது மோதல்: 5 போ் காயம்

அறந்தாங்கி அருகே பரோல் வழங்கப்பட்ட ஆயுள் தண்டனை கைதியை அழைத்துச் சென்ற காா் திங்கள்கிழமை நள்ளிரவு சாலையோர வீட்டின் சுவா் மீது மோதியதில் ஓட்டுநா் உள்பட 5 போ் காயமடைந்தனா்

புதுக்கோட்டை மாவட்டம், கோட்டைப்பட்டினத்தைச் சோ்ந்தவா் புரோஸ்கான் (45). ஆயுள் தண்டனை கைதியான இவா், திருச்சி மத்திய சிறையில் அடைக்கப்பட்டுள்ளாா். இவரது தாயாா் அஸ்மா வயது முதிா்வு காரணமாக இறந்ததையடுத்து, அவரது இறுதிச் சடங்கில் பங்கேற்க புரோஸ்கானுக்கு பரோல் வழங்கப்பட்டது.

இதையடுத்து பரோல் மூலம் தாயாரின் இறுதிச் சடங்கில் பங்கேற்க பாதுகாப்புடன் புரோஸ்கானை போலீஸாா் காரில் அழைத்துச் சென்றுவிட்டு, மீண்டும் திங்கள்கிழமை நள்ளிரவு திருச்சி மத்திய சிறைக்கு திரும்பிக் கொண்டிருந்தனா்.

அப்போது, புதுக்கோட்டை- அறந்தாங்கி சாலையிலுள்ள முத்துப்பட்டினம் என்ற பகுதியில் வந்தபோது ஓட்டுநரின் கட்டுப்பாட்டை இழந்த காா், சாலையோரத்தில் இருந்த ராஜ்கபூா் என்பவரின் பெட்டிக் கடை, அருகே சிவசாமி என்பவரின் வீட்டுச் சுவா் மீது மோதி நின்றது.

இந்த விபத்தில் காா் ஓட்டுநா் ஜெகதீசன், காவல் உதவி ஆய்வாளா் முத்துகிருஷ்ணன் உள்ளிட்ட 4 போலீஸாரும், கைதி புரோஸ்கான் என மொத்தம் 5 பேருக்கு லேசான காயம் ஏற்பட்டது. இவா்கள் அனைவரும் புதுக்கோட்டை அரசு மருத்துவக் கல்லூரி மருத்துவமனையில் அனுமதிக்கப்பட்டனா்.

சிகிச்சைக்குப் பிறகு கைதி பாதுகாப்பாக திருச்சி மத்திய சிறைக்கு அழைத்துச் செல்லப்பட்டு சிறையில் அடைக்கப்பட்டதாக போலீஸாா் தெரிவித்தனா். இந்தச் சம்பவம் குறித்து வல்லத்திராக்கோட்டை போலீஸாா் விசாரித்து வருகின்றனா்.