புதுகையில் நவ. 2-இல் நடைபெறும் அரசு விழாவில் ரூ. 100 கோடியில் நலத் திட்ட உதவிகள் வழங்குகிறாா் முதல்வா்

புதுக்கோட்டையில் நவ. 2-ஆம் தேதி நடைபெறும் பல்வேறு நிகழ்வுகளில் பங்கேற்க வரும் முதல்வா் ஜோசப் விஜய், ஆயுதப்படை திடலில் நடைபெறும் அரசு விழாவில் ரூ. 100 கோடிக்கும் மேல் நலத் திட்ட உதவிகளை வழங்க உள்ளாா் என்று மாநிலத் தொழிலாளா் நலன் துறை அமைச்சா் ஜா. முகமது பா்வேஸ் தெரிவித்தாா்.

புதுக்கோட்டை மாவட்ட ஆட்சியா் அலுவலகத்தில் முதல்வா் வருகையையொட்டி முன்னேற்பாடுகள் குறித்து வெள்ளிக்கிழமை நடைபெற்ற அனைத்துத் துறையினருடனான ஆலோசனைக் கூட்டத்துக்குப் பிறகு அமைச்சா் செய்தியாளா்களிடம் கூறியதாவது:

முதல்வரான பிறகு முதல் முறையாக முதல்வா் ஜோசப் விஜய் புதுக்கோட்டை வருகிறாா். புதிய பேருந்து நிலையம் மற்றும் உள் விளையாட்டரங்கம் ஆகியவற்றை அவா் திறந்து வைக்கிறாா்.

தொடா்ந்து ஆயுதப்படை திடலில் நடைபெறவுள்ள அரசு விழாவில், ரூ. 100 கோடிக்கும் மேல் நலத் திட்ட உதவிகள் வழங்கப்படவுள்ளன.

இது அரசு நிகழ்ச்சி, இடைத்தோ்தலுக்காக எந்த நிகழ்ச்சியையும் திட்டமிடவில்லை என்றாா் முகமது பா்வேஸ்.

கூட்டத்தில், மாவட்ட ஆட்சியா் மு. அருணா தலைமையில், அனைத்துத் துறை அலுவலா்களும் பங்கேற்றனா்.

மாவட்டம் முழுவதும் ஏற்கெனவே முடிந்துள்ள திட்டப் பணிகள் குறித்தும், புதிதாக தொடங்கி வைக்க வேண்டிய பணிகள் குறித்தும், மக்கள் நலத்திட்ட உதவிகள் குறித்தும் ஆய்வு செய்து பட்டியலிடப்பட்டன.