கட்டடத் தொழிலாளி கொலை வழக்கு: தாய்க்கு உடந்தையாக இருந்த மகன் கைது!

பொன்னமராவதி அருகே தொழிலாளி கொலை செய்யப்பட்ட வழக்கில் தாய்க்கு உடந்தையாக இருந்த மகன் சனிக்கிழமை கைது செய்யப்பட்டாா்.

புதுக்கோட்டை மாவட்டம், பொன்னமராவதி அருகே உள்ள வாா்ப்பட்டு ஊராட்சி தேவன்பட்டியைச் சோ்ந்தவா் அ.ராஜா(43). இவருக்கு அழகுமீனா(43) என்ற மனைவியும் இரு மகன்களும் உள்ளனா். ராஜா தினமும் மது அருந்திவிட்டு வந்து தகராறு செய்துவந்துள்ளாா்.

இந்நிலையில் வெள்ளிக்கிழமை மதுபோதையில் ராஜா மனைவி அழகுமீனாவை தாக்கி தகராறு செய்துள்ளாா். அப்போது அழகுமீனா, ராஜாவை கீழே தள்ளி இரும்புக் கம்பியால் தாக்கியும், நைலான் கயிற்றால் நெரித்தும் கொலை செய்துள்ளாா். இதுகுறித்து பொன்னமராவதி போலீஸாா் வழக்குப் பதிந்து அழகுமீனாவை கைது செய்து விசாரித்துவந்தனா்.

இந்நிலையில் கொலைக்கு உடந்தையாக இருந்த ராஜாவின் இளையமகன் அரவிந்த்(20)தை போலீஸாா் சனிக்கிழமை கைது செய்தனா்.