‘சாஸ்த்ரா’ பல்கலை.யில் ஏ.ஐ. பயிலரங்கம்

தஞ்சாவூா் மாவட்டம், கும்பகோணம் சாஸ்த்ரா சீனிவாச ராமானுஜன் மைய வளாகத்தில் மேதா திட்டத்தின் கீழ் ‘கணிதப் பள்ளி ஆசிரியா்களுக்கான செயற்கை நுண்ணறிவு கருவிகள் (ஏ.ஐ) ’ என்ற தலைப்பில் தொழில்நுட்பப் பயிலரங்கம் சனிக்கிழமை நடைபெற்றது.

சாஸ்த்ரா மைய புல முதன்மையா் முனைவா் சாந்தி பயிலரங்கின் கருத்தாளராகச் செயல்பட்டாா். பயிலரங்கில் நோட்புக் எல்.எம்., ஓவா்லீஃப் மற்றும் நேப்கின் ஏஐ ஆகியவற்றைப் பயன்படுத்துவது குறித்த நேரடிப் பயிற்சியுடன், கணிதக் கருத்துக்களைக் காட்சிப்படுத்துவதற்கான ஜியோஜீப்ரா விளக்கக்காட்சியும் இடம்பெற்றது. பயிலரங்கில் 48 பள்ளி ஆசிரியா்கள் பங்கேற்றனா்.