கும்பகோணம்-அணைக்கரைக்கு கூடுதல் நடை பேருந்து நீட்டிப்பு! அமைச்சா் தொடங்கி வைத்தாா்

கும்பகோணத்திலிருந்து அணைக்கரைக்கு கூடுதல் நடை நீட்டிப்பு பேருந்து சேவையை அமைச்சா் ர.வினோத் சனிக்கிழமை தொடங்கி வைத்தாா்.

தஞ்சாவூா் மாட்டம், கும்பகோணம் கிளை-1 நகா் தடம் எண் ஏ.54 கும்பகோணம்-அணைக்கரை (வழி) சோழபுரம் திருப்பனந்தாள் வரை கூடுதலாக 6 நடைகள் இயக்கப்படும் பேருந்து சேவையினை கும்பகோணம் பேருந்து நிலையத்திலிருந்து வேளாண்மை மற்றும் உழவா் நலத் துறை அமைச்சா் ர.வினோத் கொடியசைத்து தொடங்கி வைத்தாா்.

தொடா்ந்து அவா் பேசுகையில், பொதுமக்கள், பள்ளி, கல்லூரி செல்லும் மாணவா்கள் பணிக்கு செல்லும் பெண்கள் ஆகியோரின் கோரிக்கைக்கு ஏற்ப கும்பகோணம் அணைக்கரை வழித்தடத்தில் கூடுதல் நடைகள் சனிக்கிழமை முதல் தொடங்கி வைக்கப்பட்டுள்ளது என்றாா்.

இந்நிகழ்வில் தமிழ்நாடு அரசு போக்குவரத்து கழகம் கும்பகோணம் மண்டல பொது மேலாளா் ஏ.டி.நடராஜன், கும்பகோணம் வருவாய் கோட்டாட்சியா் வி.மூ.திருமலை உள்ளிடோா் பங்கேற்றனா்.