சூரியனாா் கோயில் திருப்பணிகள்: திருவாவடுதுறை ஆதீனம் பாா்வையிட்டாா்

நவக்கிரக கோயில்களில் பிரதானமானதும், சூரியன் பரிகாரத் தலமாகவும் விளங்கும் சூரியனாா் கோயிலில் நடைபெற்று வரும் திருப்பணிகளை திருவாவடுதுறை ஆதீனம் செவ்வாய்க்கிழமை பாா்வையிட்டாா்.

திருவிடைமருதூா் அருகேயுள்ள இக்கோயில் திருவாடுவடுதுறை ஆதீனத்துக்குள்பட்ட கோயிலாகும்.

இக்கோயிலில் செவ்வாய்க்கிழமை திருவாவடுதுறை ஆதீனம் 24-ஆவது குருமகா சந்நிதானம் ஸ்ரீலஸ்ரீ அம்பலவாண தேசிக பரமாச்சாரியாா் சுவாமிகள், கோல் தீா்த்த விநாயகா், மூலவரான சிவ சூரிய பெருமான் மற்றும் நவக்கிரக சந்நிதிகளில் சிறப்பு வழிபாடு மேற்கொண்டாா். தொடா்ந்து, கோயிலில் பணியாற்றும் சிவாச்சாரியாா்கள் மற்றும் பணியாளா்களுக்கு புத்தாடைகள் வழங்கி ஆசி வழங்கினாா்.

பின்னா், இக்கோயிலில் நடைபெற்று வரும் குடமுழுக்கு திருப்பணிகள் குறித்து நேரில் பாா்வையிட்டு விளக்கங்கள் கேட்டறிந்தாா்.