யுபிஐ பண பரிவா்த்தனைக்கு வரி விதிப்பைக் கண்டித்து ஆா்ப்பாட்டம்

யுபிஐ பண பரிவா்த்தனைக்கு வரி விதிக்கப்பட்டதைக் கண்டித்து, தஞ்சாவூா் அரசு விரைவு போக்குவரத்துக் கழகப் பணிமனை முன் தமிழ்நாடு வணிகா் சங்கங்களின் பேரவையினா் புதன்கிழமை ஆா்ப்பாட்டத்தில் ஈடுபட்டனா்.

இதில், யுபிஐ பண பரிவா்த்தனைக்கு வரி விதிக்கப்பட்டதைக் கண்டித்தும், உடனடியாக இந்த வரி நடைமுறையை மத்திய அரசு திரும்பப் பெற வலியுறுத்தியும் முழக்கங்கள் எழுப்பப்பட்டன.

இந்த ஆா்ப்பாட்டத்துக்கு பேரவை மாவட்டச் செயலா் எஸ். வாசுதேவன் தலைமை வகித்தாா். மாவட்டத் தலைவா் என். புண்ணியமூா்த்தி சிறப்புரையாற்றினாா். மாவட்டப் பொருளாளா் பாலாஜி, துணைத் தலைவா் கபாா்கான், ராஜகிரி வணிகா் சங்கத் தலைவா் அண்ணாதுரை, தஞ்சாவூா் புதிய பேருந்து நிலைய சங்கத் தலைவா் மருது, நகைக்கடை சங்கச் செயலா் ராஜா, அடகுக்கடை சங்கச் செயலா் மகேஷ், நகரச் செயலா் செல்வம் உள்ளிட்டோா் கலந்து கொண்டனா். நிறைவாக, நகரத் தலைவா் கந்த முருகன் நன்றி கூறினாா்.