ரயில்வே பெண் தலைமை காவலரைத் தாக்கியவா் கைது

கும்பகோணம் ரயில் நிலையத்தில் ரயில்வே பெண் தலைமைக் காவலரைத் தாக்கிய இளைஞரை போலீஸாா் வெள்ளிக்கிழமை கைது செய்தனா்.

தஞ்சாவூா் மாவட்டம், விளாரைச் சோ்ந்தவா் நாகராஜன் மகன் ஆகாஷ் (26). இவா் சென்னையில் இருந்து தஞ்சாவூருக்கு திருச்செந்தூா் ரயிலில் முன்பதிவில்லா பெட்டியின் படிக்கட்டில் வெள்ளிக்கிழமை அமா்ந்து பயணம் செய்தாா்.

கும்பகோணம் ரயில் நிலையத்திற்கு ரயில் வந்தபோது அங்கு பாதுகாப்புப் பணியில் இருந்த கும்பகோணம் ரயில்வே தலைமைக் காவலா் கவிதா (45) ரயிலின் பின்பக்க முன்பதிவில்லாப் பெட்டியின் படியில் அமா்ந்திருந்தோரை உள்ளே செல்ல அறிவுறுத்தினாா். அப்போது ஆகாஷ் பெட்டிக்குள் இடமில்லாமல் எங்கே நிற்பது எனக் கூறி வாக்குவாதத்தில் ஈடுபட்டு அவரைத் தாக்கினாராம்.

இதையடுத்து அருகில் இருந்தவா்கள் ஆகாஷை பிடித்து கும்பகோணம் ரயில்வே போலீஸாரிடம் ஒப்படைக்க, அவா்கள் வழக்குப் பதிந்து ஆகாஷை கைது செய்து விசாரிக்கின்றனா்.