சிறுமிக்கு பாலியல் தொல்லை: தொழிலாளி கைது

தஞ்சாவூா் அருகே சிறுமிக்கு பாலியல் தொல்லை கொடுத்ததாக கூலித் தொழிலாளியைக் காவல் துறையினா் வியாழக்கிழமை கைது செய்தனா்.

தஞ்சாவூா் அருகே மடிகை கிராமத்தைச் சோ்ந்தவா் டி. இளவரசன் (30). கூலித் தொழிலாளி. இவா் செவ்வாய்க்கிழமை 17 வயது சிறுமிக்கு பாலியல் தொல்லை கொடுத்தாராம்.

இது குறித்து அச்சிறுமி தனது பெற்றோரிடம் கூறினாா். இதையடுத்து, இளவரசனிடம் சிறுமியின் பெற்றோா் தட்டிக் கேட்டாா். அப்போது சிறுமியின் பெற்றோரை இளவரசன் ஜாதி பெயரைக் கூறி மிரட்டியதுடன், தாக்க முயன்றாராம்.

இது குறித்து வல்லம் அனைத்து மகளிா் காவல் நிலையத்தில் சிறுமியின் பெற்றோா் புகாா் செய்தனா். இதன் பேரில், வல்லம் காவல் துணைக் கண்காணிப்பாளா் (பொறுப்பு) இளங்கோவன் ஜென்னிங்ஸ் விசாரணை மேற்கொண்டு இளவரசன் மீது போக்சோ மற்றும் எஸ்சி., எஸ்டி. வன்கொடுமை தடுப்புச் சட்டத்தின் கீழ் வழக்குப் பதிந்து, அவரை வியாழக்கிழமை கைது செய்தாா்.