வீடு புகுந்து நகைகளை திருடிய இருவா் கைது

தஞ்சாவூா் மாவட்டம், அம்மாபேட்டையில் வீடு புகுந்து நகைகளை திருடிச் சென்ற இருவரை போலீஸாா் வியாழக்கிழமை   கைது செய்தனா். 

அம்மாபேட்டை அவரி கொள்ளைத் தெருவில் வசித்து வருபவா் முத்துக்குமரன்( 34), இவா், அம்மாப்பேட்டை முருகன் கோயில் அருகே   மளிகை கடை நடத்தி வருகிறாா். இவா், செப். 21-ஆம் தேதி கடைக்குச் சென்றபிறகு, அவரது மனைவி சரோஜினி வீட்டை பூட்டிவிட்டு குழந்தைகளை பள்ளிக்கு அழைத்துச்சென்றாா். வீட்டுச் சாவியை அருகில் இருந்த மின்சார மீட்டா் பொருத்தப்ப்டடிருந்த பெட்டியில் வைத்துவிட்டுச்சென்றாா்.

பிறகு மதியம் வீட்டுக்கு வந்த முத்துக்குமாா், சரோஜினி இருவரும் வீட்டின் கதவு திறந்திருந்ததை கண்டு அதிா்ச்சி அடைந்தனா். இதையடுத்து உள்ளே சென்று பாா்த்தபோது  நிலையில் வீட்டின் உள்ளே இருந்த பீரோவின் பூட்டை  உடைத்து அதிலிருந்த  நகைகளை மா்ம நபா்கள்  திருடிச் சென்றது தெரியவந்தது.

இதுகுறித்து முத்துக்குமரன் அம்மாபேட்டை காவல் நிலையத்தில் புகாா் அளித்தாா். அதன்பேரில், காவல் சாா்பு-ஆய்வாளா் சசிகுமாா் மற்றும் போலீஸாா் விசாரணை நடத்தினா்.

விசாரணையில், அதே தெருவைச் சேந்த பாஸ்கா் மகன் ஐயப்பன் (23), நல்லவனியன்குடிகாடு பகுதியைச் சோ்ந்த இளங்கோவன் மகன் அரவிந்த்  (21 ), ஆகிய இருவரும் வீடு புகுந்து நகையை திருடியது தெரியவந்தது. இதையடுத்து அவா்கள் மீது வழக்குப் பதிந்து  இருவரையும் கைது செய்து அவா்களிடமிருந்த 2 பவுன் தங்க நகைகளை  மீட்டனா். பிறகு இருவரையும் நீதிமன்றத்தில் ஆஜா்படுத்தி சிறையில் அடைத்தனா்.