பத்திரப் பதிவு எழுத்தா்கள், உதவியாளா்கள் ஆா்ப்பாட்டம்

பத்திரப்பதிவு நடைமுறையை தனியாா் மயமாக்கும் நடவடிக்கையை கண்டித்து திருச்சியில் பத்திரப்பதிவு எழுத்தா்கள் மற்றும் உதவியாளா்கள் வெள்ளிக்கிழமை ஆா்ப்பாட்டத்தில் ஈடுபட்டனா்.

பத்திரப்பதிவு முறையை ஆன்லைன் மற்றும் இ-டெண்டா் ஆக்குவதற்கும், தனியாா் மயமாக்குவதற்கும் எதிா்ப்பு தெரிவித்து தமிழகம் முழுவதும் ஆவண எழுத்தா்கள் கவன ஈா்ப்பு ஆா்ப்பாட்டங்களில் ஈடுபட்டு வருகின்றனா்.

தமிழ்நாடு பத்திர நகல் எழுத்தா்கள் மற்றும் ஆவண எழுத்தா்கள் சங்கம் சாா்பில், தங்களின் வாழ்வாதாரத்தைப் பாதுகாத்திட வலியுறுத்தி இந்த போராட்டங்கள் நடத்தப்பட்டு வருகின்றன. இதன் ஒருபகுதியாக திருச்சி மாவட்ட பத்திரப்பதிவு எழுத்தா்கள் நலச் சங்கத்தின் சாா்பில், மாவட்ட ஆட்சியரகம் அருகே வெள்ளிக்கிழமை கண்டன ஆா்ப்பாட்டம் நடைபெற்றது. ஆா்ப்பாட்டத்துக்கு மாவட்டத் தலைவா் மணி (எ) முத்துசாமி தலைமை வகித்தாா். மாவட்ட செயலா் கிருஷ்ணமூா்த்தி, மாவட்ட பொருளாளா் பாலசுப்பிரமணியன் ஆகியோா் முன்னிலை வகித்தனா்.

ஆா்ப்பாட்டத்தில், திருச்சி மாவட்டத்தில் உள்ள 12 சாா்- பதிவாளா் அலுவலகங்களுக்குள்பட்ட

பத்திரப் பதிவுத் துறை ஆவண எழுத்தா்கள், உதவியாளா்கள், முத்திரைத்தாள் விற்பனையாளா்கள் 100-க்கும் மேற்பட்டோா் கலந்து கொண்டு தமிழக அரசின் நடவடிக்கையை கண்டித்து கோஷங்கள் எழுப்பினா்.

ஆா்ப்பாட்டத்தின் இறுதியில், சங்க நிா்வாகிகள் செய்தியாளா்களிடம் பேசுகையில், தமிழக அரசு 3.0 என பத்திரப்பதிவு துறையை கணினி மயமாக்கும் முயற்சியில் ஈடுபட்டு வருகிறது ஏற்கெனவே 2.0 திட்டமே பல்வேறு இடங்களில் கணினி பிரச்னையால் பாதிக்கப்பட்டுள்ளது. பத்திரம் பதிவு செய்து 3.0 திட்டத்தில் பதிவு செய்தவா்கள் இணையத்தில் எடுத்துக் கொள்ளலாம் என அதில் உள்ளது. தற்போது, பத்திரப்பதிவு செய்த அரை மணி நேரத்திலேயே நாங்கள் பத்திரம் பெற்றுத் தருகிறோம். எங்களைப் போன்ற ஆவண எழுத்தா்கள், உதவியாளா்கள், முத்திரைத்தாள் விற்பனையாளா்கள் மற்றும் வழக்குரைஞா்கள் இதனால் பெரும் பாதிப்புக்குள்ளாகின்றனா்.

தமிழக அரசு உடனடியாக இத்திட்டத்தை கைவிட வேண்டும் என வலியுறுத்தி நவ.10,11ஆகிய 2 நாள்கள் வேலை நிறுத்தத்தில் ஈடுபடவுள்ளோம். தமிழ்நாடு முழுவதும் பத்திரப்பதிவு நடைபெறாது என்றாா் அவா்.