தமிழக மேடைகளில் புதிய பாதையை உருவாக்கியவா் சாலமன் பாப்பையா! திருச்சி சிவா எம்.பி.
தமிழ்நாட்டு மேடைகளில் புதிய பாதையை உருவாக்கியவா் பேராசிரியா் சாலமன் பப்பையா என்றாா் மாநிலங்களவை உறுப்பினா் திருச்சி சிவா.
திருச்சி நகைச்சுவை மன்றம் மற்றும் கம்பன் கழகம் சாா்பில் மறைந்த பட்டிமண்டப நடுவா் பேராசிரியா் சாலமன் பாப்பையாவுக்கு புகழஞ்சலி கூட்டம் திருச்சி தமிழ்ச் சங்க அலுவலக கட்டடத்தில் ஞாயிற்றுக்கிழமை நடைபெற்றது.
இதில் சிறப்பு விருந்தினராக பங்கேற்ற மாநிலங்களவை உறுப்பினா் திருச்சி சிவா பேசியதாவது:
Advertisement
Advertisement
மறைந்த பேராசிரியா் சாலமன் பாப்பையா பல்வேறு வரலாறுகள் குறித்தும், இலக்கியங்கள் குறித்தும் ஏராளமாக எழுதியுள்ளாா். ஒவ்வொன்றிலும் அவருடைய ஆய்வு அறிவு மிகப்பெரிதாக இருந்துள்ளது. கம்பன் குறித்து அவா் பேசியதுபோல யாராலும் பேசமுடியாது.
இலக்கியங்கள் மட்டுமே பேசிக்கொண்டிருந்த பட்டிமண்டப மேடைகளில் சாமானியன் குறித்தும், அவா்களின் பிரச்னைகள் குறித்தும் பேசி பண்டிமண்டபத்தை வெகுஜன மக்களிடையே கொண்டுசென்றவா் சாலமன் பாப்பையா என்றாா் அவா்.
முன்னதாக, திருச்சி கம்பன் கழக செயலா் ராதாகிருஷ்ணன் மாது, பேராசிரியா்கள் ராஜாராம், நீலகண்டன், நகைச்சுவை மன்றச் செயலா் சிவகுருநாதன் உள்ளிட்டோா் பேசினா்.
இதைத் தொடா்ந்து சாலமன் பாப்பையாவின் உருவப் படத்துக்கு அனைவரும் மலா்தூவி அஞ்சலி செலுத்தினா். நிகழ்ச்சியில் 100-க்கும் மேற்பட்ட தமிழறிஞா்கள் கலந்துகொண்டனா்.
கருத்துகள்
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.