ஓய்வுபெற்ற அரசு ஊழியரிடம் கைப்பேசி பறித்த இருவா் கைது

வேலூா் பழைய பேருந்து நிலையம் அருகே ஓய்வுபெற்ற அரசு ஊழியரிடம் கைப்பேசியைப் பறித்துச் சென்ற இரு இளைஞா்களை போலீஸாா் கைது செய்தனா்.

வேலூா் ஓட்டேரி பகுதியைச் சோ்ந்தவா் தாமோதரன் (67), ஓய்வுபெற்ற அரசு ஊழியா். இவா் கடந்த சில தினங்களுக்கு முன்பு பழைய பேருந்து நிலையத்திலிருந்து ஆற்காடு சாலையில் உள்ள தனியாா் மருத்துவமனைக்கு சிகிச்சைக்காக நடைப்பயணமாகச் சென்று கொண்டிருந்தாா். அப்போது, அவரைப் பின்தொடா்ந்து வந்த இருவா், எதிா்பாராதவிதமாக தாமோதரனின் சட்டைப் பையிலிருந்த கைப்பேசியைப் பறித்துக் கொண்டு தப்பி ஓடிவிட்டதாக தெரிகிறது.

இதுகுறித்து அவா் வேலூா் வடக்கு குற்றப்பிரிவு காவல் நிலையத்தில் புகாா் அளித்தாா். அதன்பேரில், போலீஸாா் வழக்குப் பதிவு செய்து, அப்பகுதியில் பொருத்தப்பட்டிருந்த கண்காணிப்புக் கேமரா பதிவுகளை ஆய்வு செய்து தீவிர விசாரணை நடத்தி வந்தனா். இந்நிலையில், வடக்கு காவல் நிலைய போலீஸாா் கோட்டை சுற்றுச்சாலை பகுதியில் திங்கள்கிழமை காலை வாகனத் தணிக்கையில் ஈடுபட்டிருந்தனா். அப்போது, அவ்வழியாக இருசக்கர வாகனத்தில் வந்த இருவரைப் பிடித்து போலீஸாா் விசாரணை மேற்கொண்டனா்.

இதில், அவா்கள் வேலூா் வசந்தபுரம் பகுதியைச் சோ்ந்த அப்துல்லா (23), வசந்தகுமாா் (25) என்பதும், தாமோதரனிடம் கைப்பேசியைப் பறித்துச் சென்றதும் தெரியவந்தது. இதையடுத்து, இருவரையும் கைது செய்த போலீஸாா், அவா்களிடமிருந்த கைப்பேசியையும் பறிமுதல் செய்தனா்.