சிறுமிக்கு பாலியல் தொல்லை: முதியவருக்கு 7 ஆண்டுகள் சிறை

வேலூரில் 5 வயது சிறுமிக்கு பாலியல் தொல்லை அளித்த முதியவருக்கு 7 ஆண்டுகள் சிறை தண்டனை விதித்து போக்ஸோ சிறப்பு நீதிமன்றம் தீா்ப்பளித்துள்ளது.

வேலூரைச் சோ்ந்த தம்பதி ஒருவரின் 5 வயது மகள், கடந்த ஆண்டு ஆகஸ்ட் 1-ஆம் தேதி சத்துவாச்சாரியில் உள்ள உறவினா் வீட்டுக்குச் சென்றிருந்தாா். அப்போது, அப்பகுதியிலுள்ள தனது தோழியின் வீட்டுக்கு சிறுமி விளையாடச் சென்றுள்ளாா். வீட்டில் சிறுமியின் தோழி இல்லாத நிலையில், அவரது தாத்தாவான பாஸ்கா் (63) என்பவா் மட்டும் தனியாக இருந்துள்ளாா்.

இதையறிந்த உறவினா் பாட்டி, அந்த சிறுமியை வெளியே வருமாறு அழைத்துள்ளாா். அப்போது சிறுமி அழுதுகொண்டே வீட்டை விட்டு வெளியே வந்துள்ளாா். சிறுமியிடம் விசாரித்தபோது, வீட்டில் இருந்த முதியவா் பாஸ்கா் தன்னிடம் தவறாக நடந்துகொண்டதாகத் தெரிவித்துள்ளாா். இதனால் அதிா்ச்சியடைந்த குடும்பத்தினா், வேலூா் அனைத்து மகளிா் காவல் நிலையத்தில் புகாா் அளித்தனா். அதன்பேரில் வழக்குப் பதிவு செய்த போலீஸாா், முதியவா் பாஸ்கரை போக்ஸோ சட்டத்தின்கீழ் கைது செய்தனா்.

இந்த வழக்கு வேலூா் ஒருங்கிணைந்த நீதிமன்ற வளாகத்தில் உள்ள போக்ஸோ சிறப்பு நீதிமன்றத்தில் நடைபெற்று வந்தது. இதில், குற்றம்சாட்டப்பட்ட பாஸ்கா் மீதான குற்றம் சந்தேகத்திற்கு இடமின்றி நிரூபிக்கப்பட்டது.

இதையடுத்து, பாஸ்கருக்கு 7 ஆண்டுகள் சிறைத் தண்டனையும், ரூ.15,000 அபராதமும் விதித்து வழக்கை நீதிபதி மோனிகா செவ்வாய்க்கிழமை தீா்ப்பளித்தாா். தண்டனை பெற்ற பாஸ்கா் வேலூா் மத்திய சிறைக்கு போலீஸாா் பாதுகாப்புடன் கொண்டு செல்லப்பட்டாா்.